5. Mose 26:12 - O Debleskro Drom 2021 (Sinte)

¹² Hako triinto bersh aness tu o deshto kotar khetne halauterestar, hoi ap tiri phub bares was. Un tu dess les i Levitarjen un i wi-themarjen un kol tchawen, kolen kek dad buder hi, un kol romjen, kolengro rom meras, te well jon ninna doha chapaske an tiro foro.

O Debleskro Lab 2024 (Sinte-Manouche)

¹² Hako triinto bersh aness tou o deshto kotar khetne halauterestar, hoy ap tiri phoub bares vas. Oun tou dess les i Levitaryen oun i vi-themaryen oun kol čaven, kolen kek dad bouder hi, oun kol romyen, kolengro rom meras, te vell yon ninna doha rhapaske an tiro foro.

5. Mose 26:12 ပူးပေါင်းရင်းမြစ်များ

1. Mose 47:24

Un te hi tumen newo djob, denn o pantchto kotar o baro rajeste! Kol wawar star kotja mu atchenn tumenge, jaake te hi tumen doha, kai nai witsrenn an i phub. Ninna hi tumen chapaske tumenge un tumare tchawenge, un kolenge, kai djiwenn an tumare khera.”

1. Mose 47:26

Jaake rakras o Josef i lab, hoi hunte rikrenn le: I tsele menshen an o them Egiptia hunte denn o pantchto kotar o baro rajeste. O rashajengro them las o baro rai gar. Jaake hi kowa gomme kau diwes.

Gosewe laba 14:21

Kowa kai ap o wawareste tele dikell, anell doosh ap peste. Bachtelo well kowa, koles i dji i tchorwelenge hi.

3. Mose 27:30

O deshto kotar halauterestar, hoi baro was ap i hachetikri phub un ap i ruka, hi o baro Debleske, un hunte well leske anlo.

4. Mose 18:24

Kowa, hoi i Israelitarja mange anenna, ko deshto kotar lauterestar, hoi ap lengre phub bares was, kowa dau me kol Levitarjen. Kowa hi lengro brawlepen. Doleske penom me ap lende, te well len kek kotar phub, har kol wawar Israelitarja lenna.

5. Mose 16:14

chan un awenn bachtelo, tumer un tumare tchawe un tcha, tumare budepangre un i Levitarja un wi-themarja, kai pash tumende djiwenn, ninna i tchawe, kolen kek dad buder hi, un kol djuwja, kolengro rom meras.

Hebrearja 7:5

Ninna an o them Israel lan i rashaja o deshto kotar lauterestar, hoi i Israelitarja penge khetne anan. Jaake his tchinlo an o Moseskre lila. Kol rashaja, – lengro dad his o Levi, – lan o deshto kotar kolendar, kai lengre phrala his. Kolla lauter wan pal o Abraham.

Hebrearja 7:9

I rashaja an o them Israel wenna pal o Levi. Kolla lenn o deshto kotar, hoi pengre phrala khetne anan. Un o Levi was pal o Abraham. Jaake nai penah: Har das o Abraham o deshto kotar, das kowa ninna leskro tchaweskro tchawo, o Levi,