5. Mose 25:9 - O Debleskro Drom 2021 (Sinte)

⁹ palle stakrell koi djuwel glan leste, un glan i jaka kol phureder murshendar riwell li leske jek kircha win. Un tchungrell leske an o mui, un penell: “Jaake hunte well kerdo ko mursheske, kai kamell gar peskro phraleste i tchawes te dell.”

O Debleskro Lab 2024 (Sinte-Manouche)

⁹ palle stakrell koy djouvel glan leste, oun glan i yaka kol phoureder morshendar rivell li leske yek kirrha vin. Oun čoungrell leske an o mouy, oun penell: “Yaake hounte vell kerdo ko morsheske, kay kamell gar peskro phraleste i čaves te dell.”

5. Mose 25:9 ပူးပေါင်းရင်းမြစ်များ

Hiob 30:10

Lenge well djungeles glan mande, un rikrenn pen dur krik mandar, un tchungrenn mange an o mui.

Jesaja 20:2

rakras o baro Dewel ap o Jesaja, koleskro dad o Amoz his, un penas: “Rib tiri goneskri damdira un tire kircha win!” Kowa kras o Jesaja. Job riwas peskre koola win, ninna peskre kircha, un djas jaake trujel triin bersha rah.

Jesaja 50:6

Me rikrom kolenge miro dumo, kai dan mange dawa, un rikrom mire tchamja kolenge koi, kai tserdan balla dran miri tchora. Me khatrom gar miro mui, har praassan le man un tchungran ap mande.

4. Mose 12:14

O baro Dewel penas ap o Moseste: “Te tchungrals lakro dad lat an o mui, hunte ladjals joi efta diwessa. Mukenn lat kokres efta diwessa win glan koi platsa, kai i plachtene khera hi! Pal kowa lenn lat pale pash tumende!”

Mateo 26:67

Un palle tchungran le leske an o mui, un dan les ap o shero. Wawar dan les an o mui,

Mateo 27:30

Un jon tchungran ap leste, lan leske o kasht dran o wast, un dan les leske ap o shero.

Markus 1:7

Un job penas i menshenge: “Koi wella i mursh pal mande, kowa hi sorleder har me. Me hom gar moldo, te tchiwap man glan leste tele, te krap leskre kircha pre.

Markus 10:34

Kolla praassenn les, tchungrenn ap leste, denn les i tchupnijah, un marenn les. Pal triin diwessa stell lo pale i mulendar pre.”

Johanni 1:27

Kowa well pal mande. Me hom gar mishto doha, te krap leskre kircha pre.”

5. Mose 25:10

Un leskro kheer kharell an Israel ‘o kheer o pirkeneskro murshestar’.

5. Mose 25:8

Palle denn i phureder ko forestar les gole un rakrenn leha. Un job te penell pale ‘Me kamau gar te romedinerap lat’,

Ruth 4:6

Koi penas ko wawar: “Te hi kowa jaake, nai ginau les gar mange. Me ginoms tchomone, hoi palle gar mire tchawenge wals. Jaake le tu kowa tuke, koleske me hunte koi woms. Me nai ginau les tchatchepah gar.”

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.