5. Mose 25:5 - O Debleskro Drom 2021 (Sinte)

⁵ Te djiwenn phrala khetne, un jek lendar merella, un koles his kek mursh tchawe, palle hunte djal leskro phraal pash leskri romjate un romedinerell lat, un kek wawar mursh.

O Debleskro Lab 2024 (Sinte-Manouche)

⁵ Te djivenn phrala khetne, oun yek lendar merella, oun koles his kek morsh čave, palle hounte djal leskro phraal pash leskri romyate oun romedinerell lat, oun kek vavar morsh.

5. Mose 25:5 ပူးပေါင်းရင်းမြစ်များ

1. Mose 19:31

His i diwes, koi penas koi phureder tchai ap koi terneder tchate: “Maro dad hi phuro. Un kek mursha hi buder an kau them, te romedinerenn men, jaake har i tsele menshe krenna.

Mateo 22:24

Jon penan ap leste: “Sikepaskro, o Mose penas: Te merell i romedino mursh, un les his kek tchawe, palle hunte romedinerell peskro phraal koi romjat, te well peskro phraleske i ternepen boldo.

Markus 12:19

“Sikepaskro, o Mose tchinas an peskre lila: Te merell i rom, kai romedino hi, un les hi kek tchawe, palle hunte romedinerell lat leskro phraal, te well leskro phraleske tchawen boldo.

Louka 20:28

“Sikepaskro, o Mose tchinas: Te merell tiro phraal, kai romedino hi, un les hi kek tchawe, palle romedineress tu leskri romjat, te well tiro phraleske i ternepen boldo.

Ruth 1:11

I Naomi penas: “Djan khere, mire tcha! Hoske kamenn tumer mantsa te djal? Me hom buder gar terni doha, te lap tchawe, te nai wans le tumare romma.

Ruth 3:13

Atch kai rat kai. Taissarlake putchau lestar. Te kamell lo tuke koi te well, hi kowa mange mishto. Te kamell lo gar, krau me kowa. Kowa dau me man sowel pash o djido Debleste. Kanna atch tchiddo bis taissarlake!”

Ruth 3:2

Tu djineh, ko Boas, pash koleskre budepangre tu hals, hi mare menshendar. Job hi kai rat ap i platsa, kai le o djob win denna.

Ruth 3:9

Un job putchas: “Koon hal tu?” Un joi penas: “Me hom i Rut, tiri budepaskretsa. Le tiri baja un tchake man! Tu hal miro romeskre menshendar, kai man pal tumaro tchatchepen hunte romedinerell.”

Ruth 4:5

Koi penas o Boas: “Ap ko diwes, kai tu ko kotar phub dran i Naomjakro wast gineh, hunte less tu ninna i Rut, kai hi dran o them Moab, kolakro rom mulo hi, un romedineress lat, te lell li tutar i tchawo. Koleste well palle ko kotar phub. Un jaake atchell ko kotar phub an leskri familja.”