5. Mose 25:16 - O Debleskro Drom 2021 (Sinte)

¹⁶ O baro Debleske hi menshe, kai chochepen krenn, djungeles.

O Debleskro Lab 2024 (Sinte-Manouche)

¹⁶ O baro Debleske hi menshe, kay rhorhepen krenn, djoungeles.

5. Mose 25:16 ပူးပေါင်းရင်းမြစ်များ

Gosewe laba 11:1

I waga, hoi sikrell gar tchatches, har pharo tchomone hi, hi i djungelo koowa glan o baro Debleskre jaka. Job hi bachtelo pral koleste, kai plaissrell pal o tchatcho pharepen.

Gosewe laba 20:23

I bikepaskro, kai tchiwell pash jekeste sau saster ap i waga un pash i wawareste i wawar saster, kowa krell i djungelo koowa glan o baro Debleskre jaka. I waga, hoi i chocheno pharepen sikrell, hi gar mishto.

Micha 6:10

An i khera i tchilatchendar hi brawlepen, hoi kolla chochepah khetne anan. Te bikrenn un ginenn le tchomone, lenn le i piri, hoi tikneder hi har li hunte wals. Sawo koowa hi djungeles glan mande.

5. Mose 18:12

Koon sawo koowa krella, hi pale-tchiddo glan o baro Debleskre jaka. Dran sawo djungelo pale-tchiddo koowa tradell tumaro baro Dewel kol wawar menshen dran o them win glan tumende.

5. Mose 22:5

I djuwel riwell kek murshengre koola an. Un i mursh riwell kek djuwjengre koola an. Koon sau koowa krell, kowa krell hoi djungeles hi glan tumaro baro Debleskre jaka.

5. Mose 25:17

Ma bistrenn, hoi i Amalekarja tumen kran, har hans ap o drom win dran o them Egiptia.

1. Tessalonikarja 4:6

Kek hunte chochell peskro phrales. Koon kowa krella, koles dell o Dewel i phagi. Jaake penam tumenge, un dam tumen trad.

Debleskro tsiro 21:27

Un tchi well kote dren, hoi an o Debleskre jaka pale-tchiddo hi, witar kek mensho, kai djungelo koowa krella un chochella. Kolla wenna an ko foro dren, kolengre laba an o terno bakreskro liil dren tchinlo hi. Kote hi kolla dren tchinlo, kai lenna o djipen, hoi gar pre-herella.