5. Mose 24:3 - O Debleskro Drom 2021 (Sinte)

^3-4 un ko wawar mursh kamell lat buder gar, un tchinell lake ninna i liil, an koleste tardo hi, te mukas lo lat, un dell les ninna an lakro wast, un tradell lat dran peskro kheer, palle nai lell lat gar lakro ersto rom i duito kopo. Kowa nai krell lo witar gar, te meras lakro duito rom. Lakro ersto romeske was li pale-tchiddo. Te romedinerals lo lat i duito kopo, wals kowa djungeles o baro Debleske. Tumer hunte krenn gar ko them pale-tchiddo, kowa tumaro baro Dewel tumen dell, te well lo tumenge.

O Debleskro Lab 2024 (Sinte-Manouche)

^3-4 oun ko vavar morsh kamell lat bouder gar, oun činell lake ninna i liil, an koleste tardo hi, te moukas lo lat, oun dell les ninna an lakro vast, oun tradell lat dran peskro kheer, palle nay lell lat gar lakro ersto rom i douyto kopo. Kova nay krell lo vitar gar, te meras lakro douyto rom. Lakro ersto romeske vas li pale-čiddo. Te romedinerals lo lat i douyto kopo, vals kova djoungeles o baro Debleske. T'mer hounte krenn gar ko them pale-čiddo, kova t'maro baro Devel t'men dell, te vell lo t'menge.

5. Mose 24:3 ပူးပေါင်းရင်းမြစ်များ

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Jeremia 3:8

har me lakri phenjat, i Israel, krik bitchrom koleske, kai das li pes wawar murshentsa trujel, un dom lat i liil, kai tchinlo hi, te bitchrom lat krik. Kowa kras i chocheni Judake kek daar. Joi djas koi un das pes ninna trujel wawar murshentsa.

Mateo 5:31

Glan i rah tsiro was ap i phurende penlo: Kowa, kai peskri romjat mukella, kowa dell lat i liil, te nai djal li peske.

Markus 10:4

Penan le: “O Mose penas, te tchinell o rom i liil, kai tchinlo hi, kai job mukas lat. Un palle nai mukell lo lat.”

5. Mose 24:1

Te lell i mursh peske i romjat, un palle hatsell lo tchomone ap late, hoi kamell lo gar, un tchinell lake i liil win, an koleste tardo hi, te mukas lo lat, un dell ko liil an lakro wast, un tradell lat dran peskro kheer win,

5. Mose 24:2

un joi djal dran leskro kheer un well i romni i wawar murshestar,