5. Mose 24:22 - O Debleskro Drom 2021 (Sinte)

²² Ma bistrenn, te hans pandle budepangre an o them Egiptia. Doleske penau me tumenge, te dikenn ap i tchorwelende.

O Debleskro Lab 2024 (Sinte-Manouche)

²² Ma bistrenn, te hans pandle boudepangre an o them Egiptia. Doleske penau me t'menge, te dikenn ap i čorvelende.

5. Mose 24:22 ပူးပေါင်းရင်းမြစ်များ

Jesaja 51:1

Shunenn, hoi penau, tumer, kai rodenn o tchatchepen, tumer, kai rodenn pal o baro Debleste tumari tseli sorjah: Dikenn ap o Abraham, tumaro phuro dad. Job his har i baro sorelo bar, un tumer han har barra, hoi dran leste dino wan. Dikenn ap tumare phurende, kolendar tumer wenna:

5. Mose 24:18

Ma bistrenn te hans pandle budepangre an o them Egiptia, un te las tumen tumaro baro Dewel dran o pandepen win. Doleske penau me tumenge, te dikenn ap i tchorwelende.

5. Mose 24:21

Te lal tu i drake dren tiri moljakre rukendar, palle djas tu gar pale pash kol ruka, un rodess len tele pal wawar drake. Muk len kolenge, kai dran i wawar them pash tumende djiwenn, ninna kol tchawenge, kolengro dad meras, un kol djuwjenge, kolengro rom meras.

5. Mose 25:1

Te well i tchingepen mashkral mursha pre, un jon glan tchatchepangre murshende stakrenn, un o tchatchepen well win kerdo, palle well pral koleste, kai an o tchatchepen his, glan halauterende win rakedo, te hi job an o tchatchepen. Un pral koleste, koles doosh his, well glan halauterende win rakedo, te hi les doosh.

5. Mose 7:8

Dran peskro kamlepen tumenge rodas o baro Dewel tumen win, te rikrell lo peskri sowel dren, hoi job tumare phurende das. Doleske anas lo tumen peskro sorelo wasteha win dran o them, kai pandlo hans, dran o wast o Faraestar, ko rajestar pral Egiptia.