5. Mose 24:15 - O Debleskro Drom 2021 (Sinte)

¹⁵ Ap ko emligo diwes dess tu les peskre lowe i budjake, hoi lo tuke budras, glan te djas o kham tele. Job hi tchorwelo, un les hunte well kol lowe djipaske. De len leste, te dell lo gar gole ap o baro Debleste pral tute, un jaake doosh ap tute well.

O Debleskro Lab 2024 (Sinte-Manouche)

¹⁵ Ap ko emligo dives dess tou les peskre love i boudjake, hoy lo touke boudras, glan te djas o kham tele. Yob hi čorvelo, oun les hounte vell kol love djipaske. De len leste, te dell lo gar gole ap o baro Debleste pral toute, oun yaake doosh ap toute vell.

5. Mose 24:15 ပူးပေါင်းရင်းမြစ်များ

Hiob 31:13

Te doms miro budepaskres – nai well i mursh, nai well i djuwel – gar tchatches an i tchingepen, kai les tchatches his,

Hiob 31:38

Te das miri hachetikri phub gole pral mande, un leskri tchik hunte rowas,

Hiob 34:28

Jon djan jaake tchilatches i tchorwelentsa trujel, te dan jon gole ap o Debleste. Un job shunas koi gole kolendar, kai tele rikedo wan.

Hiob 35:9

Te krenn i sorele i wawarenge bud tchilatcho koowa, rowenn kolla, un denn gole pal jekeste, kai lell len win dran i wasta kol sorelendar.

Hiob 7:2

Jaake har i budepaskro, kai kamell, te well rati, kai well lo dran o kham, un kai well lo plaissedo,

Debleskri gili 24:4

Kawa, ap koleskre wasta kek doosh hi, un koles i djudjo dji hi. Kowa, kai djiwell gar peskro djipen ap chochepen, un dell pes gar chocheni sowel.

Debleskri gili 25:1

I gili o Davidestar. Baro Dewel, miro mangepah wau pash tute.

Debleskri gili 86:4

Miro dji djal pal tute, baro Dewel. Kre man pale bachtelo. Me hom tiro budepaskro.

Jesaja 5:7

O kheer Israel hi o drakengro them o baro Deblestar, ko rajestar pral o bolepen un i phub. Un i mursha an o them Juda hi kol drakengre ruka, hoi job an i phub tchiwas un pral kolende job bachtelo his. Ap lende dikas lo, te anenn le o latchepen glan. Un hoi was, his tchilatchepen. Jon te dans hakenes peskro tchatchepen, un kran, hoi his tchi har tchilatchepen.

Jeremia 22:13

Bibacht ap koleste, kai krell peskro kheer chochepah, un djal gar pal o tchatchepen, te krell lo peskro kheer bareder un shukeder! Un mukell peskre budepangre tchitcheske te budrell, un dell len kek lowe.

3. Mose 19:13

Tu rikress gar o wawares tele un randess les gar win. Tu dess i budepaskres, kai budrell tuke jek diwes peskre lowe ap i rat, un rikress kol lowe gar pral i rat pash tute.

3. Mose 25:35

Te well tiro phraal tchorwelo, un nai rikrell gar, hoi leskro hi, palle wess ap leskri rig. Muk les pash tute te djiwell, har te wals lo i wi-themari oder jek, kai i tsiro pash tute budrell.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Mateo 20:8

Har i rati was, penas ko rai ap peskro pralstuno budepaskro: De i budepangren khetne gole, un de len lengre lowe! De kolen pengre lowe, kai an i rat wan, un palle kolen, kai o paash diwes wan, un palle kolen kai taissarlake wan!

Markus 10:19

Tu djineh, kai o Dewel penas: De kekes mulo! Romeha, ma choche tiri romjat i wawar djuwjah! Romnija, ma choche tiro romes i wawar mursheha! Ma tchore! Ma pen chochepen pral i wawarende! Ma rande tchi i wawarestar! Dik ap tiro dadeste un ap tiri date, te djal lenge mishto!”

5. Mose 15:9

De tut jak, te well tuke gar an o dji, te dess les tchi doleske, kai ko eftato bersh gar buder dur hi. Ma pen tuke: ‘Palle hunte mukap leske koi tseli sijaan.’ Un jaake dikeh tchilatches ap leste un deh leste tchi. Un job dell gole ap o baro Debleste pral tute. Un ap tute well i doosh!

1. Timoteo 5:18

An o Debleskro lab hi tchinlo: Te budrell i viecho tuke, palle pande gar leskro mui, te kamell lo te chal! Ninna hi tchinlo: O budepaskro hi moldo, te well lo plaissedo.

Jakobo 5:4

Shunenn! Tumer chochran tumare budepangren, kai budran ap tumaro them, un dan len kek lowe. Kolla denn gole ap o bolepen. Lengri gole shunell o Dewel, ko rai pral o bolepen un i phub.