5. Mose 24:1 - O Debleskro Drom 2021 (Sinte)

¹ Te lell i mursh peske i romjat, un palle hatsell lo tchomone ap late, hoi kamell lo gar, un tchinell lake i liil win, an koleste tardo hi, te mukas lo lat, un dell ko liil an lakro wast, un tradell lat dran peskro kheer win,

O Debleskro Lab 2024 (Sinte-Manouche)

¹ Te lell i morsh peske i romyat, oun palle hatsell lo čomone ap late, hoy kamell lo gar, oun činell lake i liil vin, an koleste tardo hi, te moukas lo lat, oun dell ko liil an lakro vast, oun tradell lat dran peskro kheer vin,

5. Mose 24:1 ပူးပေါင်းရင်းမြစ်များ

2. Mose 21:10

Te lell i rom peske i duiti romjat, palle hunte dell lo i glanstunate lauter jaake har glan ko tsiro: chapen, ripja, un job hunte sowell lah har glan ko tsiro.

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Jeremia 3:1

O baro Dewel penas: Te bitchras i mursh peskri romjat krik, un joi djal pash i wawar mursheste, nai lell job lat gar pale. Palle wals ko them pale-tchiddo. Tu dal tut trujel budentsa, un kameh pale pash mande te well?

Jeremia 3:8

har me lakri phenjat, i Israel, krik bitchrom koleske, kai das li pes wawar murshentsa trujel, un dom lat i liil, kai tchinlo hi, te bitchrom lat krik. Kowa kras i chocheni Judake kek daar. Joi djas koi un das pes ninna trujel wawar murshentsa.

Maleachi 2:16

Kowa kai choirell pes pral peskri romni, un tradell lat krik, krell i baro djungelo koowa, penell o baro Dewel, ko rai pral o bolepen un i phub. Doleske denn jak an tumare djia: Ma phagenn ko lab, hoi lake dan, har penan: ‘Me mukau tut gar.’

4. Mose 5:12

Pen kol Israelenge: Nai well, te chochell i djuwel peskro romes i wawar mursheha, un lakro rom djinell kowa gar, un kek dikas, te anas li i ladj ap peste un tapras lat koi pashel,

4. Mose 5:28

Te anas sawi djuwel gar ladj ap peste, un kek doosh hi ap late, palle well joi gar nasselo, un nai well an wawar koowa.

Mateo 1:19

O Josef his i latcho mursh. Un job kamas kek ladj ap late anell. Doleske kamas lo lat tchorchanes te mukell.

Louka 16:18

Koon peskri romjat mukella, un romedinerell i wawar djuwjat, kowa chochell peskri ersti romjat un anell doosh ap peste. Un kowa, kai romedinerell i mukli djuwjat, kowa anell doosh ap peste, te las lo i wawareskri romjat.”

5. Mose 21:15

Te hi i murshes dui romja, un job kamell koi jek budeder har koi wawar, un hakeni las lestar jek mursh tchawo, un o phureder mursh tchawo hi kolatar, kolat job gar kamell,

5. Mose 22:13

Te romedinerell i mursh i tchat, un pal i tsiro kamell lo lat buder gar,

5. Mose 22:19

un penenn leske, te hunte dell lo sheel rupene beme lakro dadeste. Kowa hi leskri phagi. Job anas i tchilatcho rakepen pre ap i terni tchate an Israel. Job hunte rikrell lat, un job nai mukell lat gar an peskro tselo djipen.

5. Mose 22:29

palle hunte dell ko mursh, kai pash late tchiddo his, lakro dadeste i paash--sheel rupene beme, doleske kai job ladj ap late anas. Un joi well leskri romni. Un job nai mukell lat gar peskro tselo djipen.

5. Mose 24:2

un joi djal dran leskro kheer un well i romni i wawar murshestar,

5. Mose 24:3

un ko wawar mursh kamell lat buder gar, un tchinell lake ninna i liil, an koleste tardo hi, te mukas lo lat, un dell les ninna an lakro wast, un tradell lat dran peskro kheer, palle nai lell lat gar lakro ersto rom i duito kopo. Kowa nai krell lo witar gar, te meras lakro duito rom. Lakro ersto romeske was li pale-tchiddo. Te romedinerals lo lat i duito kopo, wals kowa djungeles o baro Debleske. Tumer hunte krenn gar ko them pale-tchiddo, kowa tumaro baro Dewel tumen dell, te well lo tumenge.