5. Mose 23:8 - O Debleskro Drom 2021 (Sinte)

⁸ I Edomarjen tchiwenn gar pale! Jon hi tumare phrala. Witar gar tchiwenn i Egiptarjen pale. An lengro them djiwan i rah tsiro.

O Debleskro Lab 2024 (Sinte-Manouche)

⁸ I Edomaryen čivenn gar pale! Yon hi t'mare phrala. Vitar gar čivenn i Egiptaryen pale. An lengro them djivan i rah tsiro.

5. Mose 23:8 ပူးပေါင်းရင်းမြစ်များ

1. Mose 25:25

Ko ersto, kai boldo was, his lolo. Un les his bud bal ap leste, jaake har i balni plaashka. Un doleske las job ko lab Esau.

1. Mose 25:26

Pal leste was leskro phraal boldo. Job rikras peskro wasteha i heri peskro phralestar Esau. Doleske las job ko lab Jakob. O Isaak his 60 (shob-deesh) bersh phuro, har kol tchawe boldo wan.

1. Rajengro liil 3:1

Un o Salomo romedineras i tchai o baro rajestar pral o them Egiptia. Kowa his o Farao. Un o Salomo anas lat an ko kotar o forestar Jerusalem, hoi kharell ‘Davideskro foro’, te djiwell li kote jaake rah har budran i budepangre ap o Salomeskro kheer un ap o baro Debleskro kheer un ap i massuri trul Jerusalem.

Esra 9:1

Har kowa halauter kerdo his, wan i pralstune pash mande un penan: “I menshe dran Israel, i rashaja un i Levitarja rikran pen gar pale i wawar menshendar, kai djiwenn an kau them: kol Kanaanitarja, Hetarja, Perisarja, Jebusarja, Ammonarja, Moabarja, Egiptarja un Amorarja. i Israelitarja krenn jaake djungelo koowa har kolla.

2. Mose 22:20

Ma krenn kolen o djipen phares, kai hi wi-themarja pash tumende! Un mukenn len gar tchitcheske tumenge te budrell! Bistrenn gar, te hans tumer ninna wi-themarja an o them Egiptia.

3. Mose 19:34

Djan leha jaake trujel, har te wals lo jek tumendar! Tu wess jaake latches ap leste har hal latches ap tute. Tumer ninna hans wi-themarja an o them Egiptia. Me, o baro Dewel, hom tumaro Dewel.

Obadja 1:10

Tu kral djungelo koowa ap tiro phraleste, o Jakobeste! Doleske well i ladj ap tute, un tu wess jaake khetne stakedo, te stess buder gar pre!

5. Mose 10:19

Tumer hans ninna wi-themarja an o them Egiptia. Doleske hunte kamenn tumer i wi-themarjen ninna o tselo djijestar.

5. Mose 23:7

Ma rodenn koi pal, te djal kol menshenge mishto an i themma Moab un Ammon, un te wenn le brawelo.

5. Mose 23:9

I tchawe lengre tchawengre tchawendar, kolla nai wenn kote tumentsa khetne, kai o baro Debleskre menshe khetne wenna.

1. Samuel 30:11

Un o Davideskre mursha hatsan i murshes dran o them Egiptia ap i kotar phub. Kowa chas un pijas tchi triin diwessa un triin ratsja. Un jon anan les pash o Davideste, un dan les maro te chal un pani te pijell. Ninna dan le les i kotar faigetikri merkli un dui tikne gone drake, hoi truk kerdo his. Un har chas lo, was leskri soor pale.