5. Mose 23:4 - O Debleskro Drom 2021 (Sinte)

⁴ Kek Ammonari un kek Moabari well kote tumentsa khetne, kai o baro Debleskre menshe khetne wenn, jaake rah har deesh familje jek pal i wawar djiwenna. An kek tsiro nai wenn le kote.

O Debleskro Lab 2024 (Sinte-Manouche)

⁴ Kek Ammonari oun kek Moabari vell kote t'mentsa khetne, kay o baro Debleskre menshe khetne venn, yaake rah har deesh familye yek pal i vavar djivenna. An kek tsiro nay venn le kote.

5. Mose 23:4 ပူးပေါင်းရင်းမြစ်များ

1. Rajengro liil 18:4

Un an ko tsiro, kai i Isebel o baro Debleskre rakepangren kamas te marell, las o Obadja sheel lendar un khatras len, i paash-sheel an kai grotta un i paash sheel an koi grotta, un anas lenge maro un pani, te chan le un pijenn le.

Esra 9:1

Har kowa halauter kerdo his, wan i pralstune pash mande un penan: “I menshe dran Israel, i rashaja un i Levitarja rikran pen gar pale i wawar menshendar, kai djiwenn an kau them: kol Kanaanitarja, Hetarja, Perisarja, Jebusarja, Ammonarja, Moabarja, Egiptarja un Amorarja. i Israelitarja krenn jaake djungelo koowa har kolla.

Nehemia 13:2

Glan i rah tsiro dan i Ammonarja un i Moabarja i Israelende kek maro un kek pani, har kolla ap o drom his. Un i Moabarja plaissran o Bileames, te rakrell lo i bibacht pral i Israelitarja win. Maro Dewel kras dran i bibacht i bacht.

Jesaja 63:9

dran ko tselo pharo koowa, hoi ap lende tchiddo his. Kek wawar, kek bolepaskro un kek bitchepaskro was lenge ap i rig. Na-a job kokres was, un las len dran kowa lauter win. Dran leskro tselo dji kamas lo len un his lenge latches. Doleske las lo len koi win, hadas len pre, un hidjras len hake diwessa an ko phuro tsiro.

Jeremia 49:1

Laba pral i Ammonarja. Kawa penell o baro Dewel: Hi o Israeles kek tchawe? Hi les kek tchawe, kai nai lenn o them pengre phurendar dren? Hoske las ko dewel, koles i Ammonarja an-mangenn, o Milkom, o them Gad dren? Un hoske djiwenn leskre menshe kote?

Ropaskre gilja 1:10

Un jon tchiwan pengre wasta ap lakro tselo kutch koowa. Joi hunte dikas peske jakentsa, har i wawar menshe an lakro Debleskro kheer dren djan. Un tu, baro Dewel, penal, te hunte djan jon gar kote dren.

Ezekiel 44:9

Doleske penau me, o baro Dewel, tumaro rai: Kek dran i wawar them, koleskro dji gar mange hi, un kai hi gar tchinlo ap peskro mass, nai well an miro kheer dren, witar kek wi-themari, kai mank tumende djiwell.

Zakarie 2:8

Un o ersto penas ap o wawareste: “Naash un pen ko terno mursheske i dorjah: ‘An o foro Jerusalem wenn jaake bud menshe un vieche, te nai wenn kek massurja trul leste.

4. Mose 22:17

Me kamau tuke brawlepen te dell. Un hoi tu mange peneh, kamau me te krell. Am ap miri rig un rake i bibacht win pral kal menshende!”

4. Mose 23:7

Koi penas o Bileam kal laba: O Balak, ko baro rai pral i Moabarja, mukas man te anell dran o them Aram, dran kol berge, kai o kham pre djala. Un job penas ap mande: Am ap miri rig, un rake i bibacht pral o Jakobeskre menshende win! Awa, am un praasse i Israeleskre menshen!

Mateo 25:40

Un o baro rai penell lenge: Tchatchepah, me penau tumenge: Ko latchepen, hoi tumer jekeske mire tchorwele phralendar kran, ko latchepen kran tumer mange.

Bičepangre 9:4

Un job peras ap i phub un shunas i rakepen. Kowa penas ap leste: “Saulo, Saulo, hoske leh tu man palla?”

Josua 24:9

Ninna o baro rai pral o them Moab, o Balak, koleskro dad o Zippor his, kamas pes tumentsa te kurell. Un job bitchras pal o Bileam, koleskro dad o Beor his, te well lo, un te rakrell lo bibacht pral tumende win.

2. Petro 2:15

O tchatcho drom mukan le, un nashran pen. Jon djan ap ko tchilatcho drom, kai djas ninna o Bileam, – leskro dad hi o Beor. O Bileam kamas i tchilatcho koowa te krell, te lell lo lowe.

Judas 1:11

Bibacht well ap lende! Jon djan ap o tchilatcho drom, kai ninna o Kain djas. Un i lowenge anenn le doosh ap pende, jaake har o Bileam kras. Un jaake har o Korach merenn le. O Korach hadas pes peskre menshentsa pral o Debleskre murshende.

1. Samuel 25:11

Lap me miro maro un miro pani, un ko mass kol viechendar, kai marom kol murshenge, kai o bakrengro bal tchinenn? Un dap kowa kal murshende, kolendar me gar djinau, kai le wenna?”