5. Mose 23:3 - O Debleskro Drom 2021 (Sinte)

³ Kek mursh, koleskri dai gar romedini hi, nai well kote tumentsa khetne, kai o baro Debleskre menshe khetne wenna. Ninna leskre tchawe nai wenn gar kote, jaake rah har deesh familje jek pal i wawar djiwenna.

O Debleskro Lab 2024 (Sinte-Manouche)

³ Kek morsh, koleskri day gar romedini hi, nay vell kote t'mentsa khetne, kay o baro Debleskre menshe khetne venna. Ninna leskre čave nay venn gar kote, yaake rah har deesh familye yek pal i vavar djivenna.

5. Mose 23:3 ပူးပေါင်းရင်းမြစ်များ

Nehemia 13:23

An ko tsiro dikom me bibolden, kai lan penge romjen dran o Filistarengro foro Ashdod, ninna dran i themma Ammon un Moab.

Nehemia 4:3

Kote mangam maro Debles an, un tchiwam murshen pre, kai jak hunte dan ap o diwes un an i rat, kaana jon wans.

Nehemia 4:7

Doleske tchiwom me i murshen kote pash i massuri pre, kai i barra gomme win phagedo his. Un me tchiwom len jaake pre, te hi hako kopo kolla dran jek bari familja khetne tardo. Un len his pengre chare un witsepangre tchurja un boge pash pende.

Jesaja 56:3

Un i wi-themari, kai djal ap o baro Debleskro drom, kowa hunte penell gar: O baro Dewel tchiwell man pale peskre menshendar. Un ko mursh, kai jaake tchinlo hi ap peskro mass, te lell lo buder kek tchawe, hunte penell gar: Me hom i mulo ruk!

Jeremia 49:1

Laba pral i Ammonarja. Kawa penell o baro Dewel: Hi o Israeles kek tchawe? Hi les kek tchawe, kai nai lenn o them pengre phurendar dren? Hoske las ko dewel, koles i Ammonarja an-mangenn, o Milkom, o them Gad dren? Un hoske djiwenn leskre menshe kote?

Ropaskre gilja 1:10

Un jon tchiwan pengre wasta ap lakro tselo kutch koowa. Joi hunte dikas peske jakentsa, har i wawar menshe an lakro Debleskro kheer dren djan. Un tu, baro Dewel, penal, te hunte djan jon gar kote dren.

Mateo 5:43

Tumer djinenna, kai glan i rah tsiro i phurenge penlo was: Ab latches ap tire menshende! Ma ab latches ap koleste, kai kras tchilatcho koowa ap tute.

5. Mose 23:2

I mursh, kai jaake tchinlo un dukedo hi ap peskro mass, te hi lo buder kek mursh, sawo mursh nai well gar kote, kai o baro Debleskre menshe khetne wenna.

Ruth 4:6

Koi penas ko wawar: “Te hi kowa jaake, nai ginau les gar mange. Me ginoms tchomone, hoi palle gar mire tchawenge wals. Jaake le tu kowa tuke, koleske me hunte koi woms. Me nai ginau les tchatchepah gar.”