5. Mose 23:2 - O Debleskro Drom 2021 (Sinte)

² I mursh, kai jaake tchinlo un dukedo hi ap peskro mass, te hi lo buder kek mursh, sawo mursh nai well gar kote, kai o baro Debleskre menshe khetne wenna.

O Debleskro Lab 2024 (Sinte-Manouche)

² I morsh, kay yaake činlo oun doukedo hi ap peskro mass, te hi lo bouder kek morsh, savo morsh nay vell gar kote, kay o baro Debleskre menshe khetne venna.

5. Mose 23:2 ပူးပေါင်းရင်းမြစ်များ

Jesaja 56:3

Un i wi-themari, kai djal ap o baro Debleskro drom, kowa hunte penell gar: O baro Dewel tchiwell man pale peskre menshendar. Un ko mursh, kai jaake tchinlo hi ap peskro mass, te lell lo buder kek tchawe, hunte penell gar: Me hom i mulo ruk!

Jesaja 57:3

Tumer, kai mangenn chochene deblen an, han har drawepangre, har mursha, kai pash wawar djuwjende djan, un har djuwja, kai lubja hi.

3. Mose 21:20

te hi les i bango dumo, te hi lo jek, kai tikno atchas, oder koles i parno kotar an i jak hi, oder i nasslepen ap peskri hauta hi, oder jek, koleske tella lauter pash dino hi.

Zakarie 9:6

Menshe dran wawar themma wenn an o foro Ashdod, te djiwenn le koi. O baro Dewel penell: “Kol pre-phurde Filistarjen krau me tikno.

Johanni 8:41

Tumer krenn kowa, hoi tumaro dad ninna kras.” Penan jon ap leste: “Mari dai hi kek lubni. Men hi jek dad. Kowa hi o Dewel.”

5. Mose 23:1

Kek mursh hunte lell peskro dadeskri romjat un anell jaake ladj ap peskro dadeste.

5. Mose 23:3

Kek mursh, koleskri dai gar romedini hi, nai well kote tumentsa khetne, kai o baro Debleskre menshe khetne wenna. Ninna leskre tchawe nai wenn gar kote, jaake rah har deesh familje jek pal i wawar djiwenna.

Hebrearja 12:8

I tsele Debleskre tchawe djinenn i tsiro, kai lan le lestar i phagi. Tumer te djinenn kowa gar, palle han gar leskre tchatche tchawe.