5. Mose 23:18 - O Debleskro Drom 2021 (Sinte)

¹⁸ Mank i Israelitarja hunte well kek djuwel un kek mursh, kai bikrell pes lowenge an o kheer i wawar deblestar.

O Debleskro Lab 2024 (Sinte-Manouche)

¹⁸ Mank i Israelitarya hounte vell kek djouvel oun kek morsh, kay bikrell pes lovenge an o kheer i vavar deblestar.

5. Mose 23:18 ပူးပေါင်းရင်းမြစ်များ

1. Rajengro liil 14:24

Koi his ninna mursha un djuwja, kai bikran pen lowenge ap kol mulne platse. Un i menshe an Juda kran ko tselo djungelo koowa, hoi kol menshe kran, kolen o baro Dewel win tradas dran o them, har i Israelitarja dren wan.

Debleskri gili 22:16

Miri meen hi truk. Ninna miro tchip hi buder gar sapeno, un tu tchiwal man an o merepaskri tchik.

Gosewe laba 26:11

Har i djuklo, hoi pale chal, hoi lo win tchadas, jaake hi o narwelo, kai krell pale te pale dinelo koowa.

Jesaja 61:8

Me, o baro Dewel kamau o tchatchepen, un hom chojedo pral o tchorepen un o tchilatchepen. Un tchatchepah, me dau latcho koowa i menshende an Juda ko tselo tchilatchepaske, hoi ap lende was. Un me krau lentsa win, te atchas mer mala hako tsiro. Koi pre dau miro tchatcho wast.

Ezekiel 16:33

Haki wawar lubjat well lowe dino. Tu dal gomme kolen, kai tut lan, tchomone. Un ginal len, te wenn le pash tute dran kol themma, kai le hi, un sowenn tuha.

3. Mose 18:22

Kek mursh te sowell i wawar mursheha. I baro pale-tchiddo koowa hi sau kowa.

3. Mose 19:29

Ma bitche tiri tchai kote, kai i chochene debla an-mangedo wenn, te well li kote i lubni. Tu te kreh kowa, hi sik bud lubja an o them, un o tselo them well pherdo wi-ladjedo koowa.

3. Mose 20:13

Te sowell i mursh i wawar mursheha, krenn le i baro pale-tchiddo koowa. Kol dui hunte hidjrenn le pengri phagi un hunte wenn maredo.

3. Mose 7:16

Te das jek pes sowel te dell lo tchomone o Debleste, un anell doleske sau viecho o Debleske, well ko mass ko emligo diwes chalo. Te atchell tchomone pral, nai chan le les o wawar diwes ninna. Jaake hunte well ninna kerdo, te das jek i viecho pestar o baro Debleste.

Micha 1:7

I tsele figure, hoi i menshe an-mangan, wenn an kotja phagedo. Awa, kol chochene debla wenn paash dino. Un kowa, hoi anan i menshe an i khera kol chochene deblendar, well chatchedo. I menshe an Samaria nashan wawar deblenge palla har i lubni i murshenge palla nashell. Jaake lan le kau tselo koowa khetne. Kolla, kai wenn un randenn len win, lenn kau koowa pentsa khere, un anenn les an pengre deblengre khera.

Habakuk 1:13

Tire jaka hi jaake djudjo, te nai dikeh kek tchilatchepen. Tu nai dikeh gar har i menshe dukedo wenna. Hoske kreh tu tchi, te dikeh kol chochene phukepangren, un peneh kek lab, te chal o tchilatcho koles pre, kai hi latcheder un tchatcheder har job?

Maleachi 1:14

‘Praassedo te well hakeno, kai pes sowel das, te dell lo man i latcho mursh viecho. Un palle chochell lo man un anell mange i nasselo vieches. Me hom o pralstuno rai, un i menshe dran wawar themma sharenn man’, penell o baro Dewel, ko rai pral o bolepen un i phub.

Mateo 7:6

Ma witsrenn gar o Debleskro brawlepen glan i djuklende, te djan jon gar ap tumende pre! Ma witsrenn gar i kutch barra glan i balende, te stakrenn le len gar i pirentsa khetne.

5. Mose 12:6

Un kote anenn kol viechen, hoi kamenn leske te marell, sawe, hoi wenn leske tseles chatchedo, un sawe, kolengro rat leske chatchedo well. Kote anenn ninna o deshto kotar kolestar, hoi tumenge dren anan, un ko wawar koowa, hoi glan tchinlo hi, un kowa hoi denna jaake, har tumen sowel dan, ninna kowa, hoi hakeno pestar della, un sawe bakre un gurma, kai i phureder lengre dajendar hi.

5. Mose 22:21

palle hunte well li win anlo glan o kheer lakro dadestar. Un i mursha dran ko foro witsrenn barra ap late, bis te muli hi li. Joi kras i wi-ladjedo koowa mank i Israelitarja, har lubras li trujel an peskro dadeskro kheer. Jaake tchiwenn tumer o tchilatchepen mank tumende win.

5. Mose 23:21

Jekestar, kai hi dran i wawar them, nai leh tu budeder, har tu leske patsal, tiro phralestar less tu gar budeder. Palle nai dell tut tiro baro Dewel bacht an halauter, hoi tu an-tapreh an ko them, an koleste tumer wenn, te lenn les tumenge dren.

Filiparja 3:2

Denn garda, te shunenn gar ap kolende, kai hi tchilatche budepangre un djukle. Jon kamenna, te mukenn tumen ap tumaro mass te tchinell, un penenn: “Kowa hunte krenn, te nai wenn tumer o Debleskre menshe!”

2. Petro 2:22

Kol menshenge djal jaake, har penlo well: “Ko djuklo chal pale kowa, hoi job win tchadas. Un ko balo witsrell pes pal o thopen pale an i tchik.”

Debleskro tsiro 22:15

Win hi kolla, kai mukan o Debleskro drom, kolla, kai kran bengeskro koowa, kolla, kai lubran trujel, kolla, kai maran wawaren, kolla, kai mangan wawar koowa an har o Debles, un hakeno, kai kamell un krell o chochepen.