5. Mose 23:11 - O Debleskro Drom 2021 (Sinte)

¹¹ Te djas i lurdeske mank tumende tchomone an i rat, un job well jaake pale-tchiddo, hunte djal lo win glan i platsa un atchell kote o tselo diwes.

O Debleskro Lab 2024 (Sinte-Manouche)

¹¹ Te djas i lourdeske mank t'mende čomone an i rat, oun yob vell yaake pale-čiddo, hounte djal lo vin glan i platsa oun ačell kote o tselo dives.

5. Mose 23:11 ပူးပေါင်းရင်းမြစ်များ

Debleskri gili 51:2

har o Debleskro rakepaskro Natan pash leste was, pal kowa o David i wawareskri romjat, i Batsheba, las.

Debleskri gili 51:7

Doosh hi ap mande, jaake rah har hom ap kai phub, ninna har boldo wom, his o tchilatchepen ap mande.

Ezekiel 36:25

Me witsrau djudjo pani ap tumende, te wenn djudjo halauterestar, hoi kras tumen pale-tchiddo. Ko tselo tchilatchepen, hoi ap tumende anan, har mangan i chochene deblen an, thowau tumendar tele.

3. Mose 11:25

Koon sau mulo vieches hidjrell, hunte thowell peskre koola, un well pale-tchiddo, bis te well rati.

3. Mose 14:9

Pal kol efta diwessa tchinell lo i duito kopo i tsele balla ap o shero tele, ninna leskri tchora un kol balla pral i jaka un leskre tsele wawar balla, un thowell pes un peskre koola Palle hi lo erligo.

3. Mose 15:11

Te taprell ko nasselo jekes an, un leskre wasta his gar thodo, palle hunte thowell pes kowa, kai an-tapedo was, un peskre koola, un hi pale-tchiddo bis te well rati.

3. Mose 15:13

Te well ko nasselo pale sasto, ginell lo peske efta diwessa tele. Palle thowell lo peskre koola un thowell pes djudjo panjeha tele; palle hi lo pale erligo.

3. Mose 15:16

Te djal i mursheske jek tele, palle thowell lo peskro tselo kerpro tele, un job well pale-tchiddo, bis te well rati.

3. Mose 15:5

Koon koleskro tchiben an-tapras, hunte thowell pes un peskre koola, un hi pale-tchiddo bis te well rati.

Mateo 3:11

Me tchiwau tumen an o pani. Kowa sikrella, kai tumer mukan tumaro tchilatcho drom, un djan kanna ap o Debleskro drom. Pal mande well jek, kowa hi sorleder har me. Un me hom gar moldo, te hidjrap leskre kircha leske. Kowa tchiwell o Debleskro Ducho ap tumende. Kowa hi har i jag.

5. Mose 23:10

Te djan tumer win, te kurenn tumen kolentsa, kai kamenn tumen gar an pengro them, palle denn tumen jak, te krenn koi platsa gar pale-tchiddo, kai tchiwenn tumare plachtene khera pre.

5. Mose 23:12

Ap i rati nai thowell lo pes. Un har o kham tele djas, well lo pale nai ap tumari platsa.

Hebrearja 10:22

Leskro rat thowas mari doosh mendar, un kras mare djia djudjo. Un mer wam an o djudjo pani tele thodo. Doleske djas kanna o latcho un tchatcho djijeha glan o Debleste an i sorelo patsepen!

1. Petro 3:21

Jaake har wan kol ochta menshe win lino dran o merepen, jaake djas tumenge kanna ninna, har wan tumer taufedo. Kote was gar koi tchik tumendar tele thodo. Na-a! Koon mukell pes te taufrell, kowa mangell o Debles, te dell lo les i djudjo dji. Kowa nai dell o Dewel leste doleske, kai stas o Jesus Kristo i mulendar pre un djas an o bolepen. Kanna hi lo beshdo ap i tchatchi rig o Deblestar, un hi o rai pral i tsele bolepangre, un pral i tsele pralstune un sorele an o bolepen.

Debleskro tsiro 1:5

Latchepen un bacht tumenge! Kowa dell tumen o Jesus Kristo! Job sikrell i menshende o tchatcho drom pash o Debleste. Un job hi o glanstuno lauterendar, kai stenn i mulendar pre un wenn djido. Un job hi ninna o rai pral i tsele raja ap kai phub! Job kamell men o tselo djijestar, un las men dran mari doosh win, un plaissras menge peskro rateha.