5. Mose 22:9 - O Debleskro Drom 2021 (Sinte)

⁹ Ap tiro moljengro them tchiwess tu gar drake an i phub un ninna djob mashkral lende, te well gar halauter o Debleske, hoi tuke bares was, o djob un i mool.

O Debleskro Lab 2024 (Sinte-Manouche)

⁹ Ap tiro molyengro them čivess tou gar drake an i phoub oun ninna djob mashkral lende, te vell gar halauter o Debleske, hoy touke bares vas, o djob oun i mool.

5. Mose 22:9 ပူးပေါင်းရင်းမြစ်များ

3. Mose 19:19

Djiwenn pal kol laba, hoi tumende sikrenn, hoi me tumendar kamau! Vieche dran dui wawar mass, mukess tu gar khetne te well, te nai krenn le terne. Ap tiro kotar phub, ma witse dui koowa win, te well kowa bares. I ripen kerdo dran dui wawar thaba, well gar ap tute!

Mateo 6:24

Kek budrell nai dui rajenge. Te wals kowa jaake, budrals lo ko jekeske mishto, un ko wawareske gar mishto. Ko jekes kamals job gar, kol wawares kamals job o djijestar. Tu nai budreh gar o Debleske un rodeh tiro brawlepen.

Mateo 9:16

Kek siwell i newo kotar than ap i phuro ripen. Pash o thopen well o newo kotar tikneder un tserdell pes pale tele, un o phuro ripen djal budeder paash.

Remarja 11:6

Kran jon latcho koowa? Un doleske rodas lo len win? Na-a! Te krals lo kowa, wals peskro kamlepen gar o tchatcho kamlepen.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

2. Korintarja 11:3

Me darau, te was wawar koowa an tumaro shero, un tumer djiwenn buder gar djudjes un kokres o Jesus Kristeske. Me darau, te djas tumenge har i Evake, har o gosewo sap chochras lat, un joi mukas o tchatcho drom.

5. Mose 22:8

Te kreh tu tuke i newo kheer, pale tchiwess i rikepen trul i dacha, te perell kek tele un tut hi doosh ap leskro merepen.

Jakobo 3:10

Dran ko emligo mui wella sharepen un praassepen. Kowa hi gar mishto, mire phrala!