5. Mose 21:5 - O Debleskro Drom 2021 (Sinte)5 Palle stakrenn i rashaja dran o kheer Levi glan. Kolen rodas tumaro baro Dewel win, te krenn le leskri budi, un te rakrenn le leskri bacht win pral i menshende. Un an i tchingepen un pal i marepen rakrenn le o tchatchepen win. အခန်းကိုကြည့်ပါ။O Debleskro Lab 2024 (Sinte-Manouche)5 Palle stakrenn i rashaya dran o kheer Levi glan. Kolen rodas t'maro baro Devel vin, te krenn le leskri boudi, oun te rakrenn le leskri barht vin pral i menshende. Oun an i čingepen oun pal i marepen rakrenn le o čačepen vin. အခန်းကိုကြည့်ပါ။ |
Te wenn pash tumende tumare phrala, kol tchatchepangre dran kol wawar forja, un putchenn tumendar, hoi te krenn le pash kau te ko tchingepen, nai djal trul rat fer rat, nai djal trul o Debleskro drom un leskre laba, kowa, hoi job tumendar kamell, un hoi an leskre tchatchepaskre laba tchinlo hi, palle hunte tumer lenge penenn un sikrenn, har kowa tchatcho hi, te anenn le kek doosh pral pende glan o baro Debleste, un leskri choli pral tumende well un pral tumare phrala. Te sikrenn tumer lende lauter mishto, anenn tumer kek doosh ap tumende.
O mursh penas ap mande: Kal isema, kolla ap i nordetikri rig, un kolla ap koi rig, kai o kham pralstunes tardo hi, hoi pash koi platsa tchiddo hi, hoi pal o Debleskro kheer hi, kolla hi kolenge, kai budrenn o Debleske. I rashaja, kai glan o baro Debleste pengri budi krenn, nai chan kote pengro kotar kolestar, hoi o Debleske anlo was, un hoi kokres i rashaja nai chan. An kal iseme tchiwenn le kowa, hoi o Debleske anlo was: ko djob, un ko mass kol viechendar, hoi i doshake maredo wan un doleske, te well lauter pale mishto. Kal iseme hi koleske, hoi o Debleske hi.
Te well i tchingepen glan lende anlo, hi jon i tchatchepangre mursha un hunte penenn o tchatchepen win, un hunte djan pal mire tchatchepaskre laba. Un jon hunte krenn, te wenn mire bare diwessa ap o tchatcho tsiro jaake dren rikedo, har me penom, te well kowa kerdo. Ninna denn le jak, te well o Debleskro diwes dren rikedo.