5. Mose 21:21 - O Debleskro Drom 2021 (Sinte)

²¹ Un i tsele mursha dran ko foro hunte witsrenn barra ap leste, bis te hi lo mulo. Jaake witsrenn tumer o tchilatchepen dran tumende win. Un i tsele Israelitarja hunte shunenn kolestar un darenn.

O Debleskro Lab 2024 (Sinte-Manouche)

²¹ Oun i tsele morsha dran ko foro hounte vitsrenn barra ap leste, bis te hi lo moulo. Yaake vitsrenn t'mer o čilačepen dran t'mende vin. Oun i tsele Israelitarya hounte shounenn kolestar oun darenn.

5. Mose 21:21 ပူးပေါင်းရင်းမြစ်များ

2. Samuel 18:17

Un jon lan o Absalomes un witsran les an o weesh an i bari cheb, un tchiwan bud barra ap leste. Un o Absalomeskre lurde nashan penge, hakeno an peskro kheer.

2. Mose 21:17

Ma rake bibacht win pral tiro dadeste, witar gar pral tiri date! Koon kowa krell, hunte merell.

Gosewe laba 30:17

Kowa, kai praassell peskro dades, un kamell gar ap peskri date te shunell, koleske hunte dens i korake i jaka win, un i bare tchirkle hunte chans len.

3. Mose 20:2

Pen ap i Israelitarja: Koon tumendar jek peskre tchawendar o chocheno debleste, o Moloch, das, kowa hunte merell. I tsele menshe hunte witsrenn les i barrentsa mulo. Kowa hi ninna jaake, te krell sau koowa i wi-themari, kai pash tumende djiwell.

3. Mose 20:27

Hako mursh un haki djuwel, kai durkrell oder putchell i mulen, hunte hidjrell peskri phagi un merell. Tumer hunte witsrenn len mulo i barrentsa.

3. Mose 24:14

An ko murshes win glan koi platsa, kai i menshe hi! Hakeno, kai shunas, hoi lo penas, kowa tchiwell peskre wasta ap leskro shero. Palle witsrenn i tsele menshe les mulo i barrentsa.

3. Mose 24:16

Kowa, kai tchingrell ap o baro Debleste djungele labentsa, hunte well mulo dino. I tsele menshe hunte witsrenn les i barrentsa mules. Hi jek, te hi lo i Israelitari oder i wi-themari.

4. Mose 15:25

Un jaake krell o rashai i tsele menshenge Israel, te well lauter pale mishto mank lende un o Debleste. Un koi doosh well lendar krik lino, – koi doosh, kolatar jon gar djinan, kai kaja i doosh hi, un kolake jon viechen anan un chapen chatchepaske o baro Debleske.

4. Mose 15:35

O baro Dewel penas ap o Moseste: “Ko mursh hunte merella. Kol tsele menshe hunte witsrenn les mulo i barrentsa win glan i platsa.”

4. Mose 15:36

Koi kran le jaake har o baro Dewel ap o Moseste penas un anan ko murshes win glan i platsa un witsran barra ap leste, jaake te meras job.

5. Mose 13:12

Palle shunenn kowa i tsele Israelitarja un darenn. Un kek buder krell sau tchilatcho koowa mashkral tumende.

5. Mose 13:5

Leske djan palla! Rikrenn les tumenge glan i jaka pash halauter, hoi krenn! Lauter, hoi job penas, krenn! Shunenn ap leste! Mangenn les an! Un rikrenn tumen ap leste!

5. Mose 13:6

Un ko rakepaskro, ninna kowa, koles kol sunja hi, job hunte well maredo. Job kamas tumen tumaro baro Deblestar krik te anell, kolestar, kai anas tumen win dran o them Egiptia un las tumen win dran o pandepen. Ko mensho kamas te djan tumer tele o dromestar, hoi tumaro baro Dewel penas, te hunte djan ap leste. Un tumer hunte witsrenn win o tchilatchepen, hoi mashkral tumende hi.

5. Mose 17:5

palle lenn ko murshes oder koi djuwjat, un anenn len win glan tumaro foro, un witsrenn barra ap lende bis te hi le mulo.

5. Mose 17:7

Kolla, kai dikan ko djungelo koowa, wenn i glanstune, te witsrenn le barra ap lende. Un pal lende wenn kol wawar, kai glan o foro wan, un witsrenn len mulo. Jaake lenn tumer o tchilatchepen mashkral tumende krik.

5. Mose 21:20

Un penenn ap lende: “Kawa hi maro mursh tchawo. Job hi bipandlo, un krell halauter pal peskro shero, un shunell gar ap mende. Job hi i pipaskro un i chapaskro.”

5. Mose 22:21

palle hunte well li win anlo glan o kheer lakro dadestar. Un i mursha dran ko foro witsrenn barra ap late, bis te muli hi li. Joi kras i wi-ladjedo koowa mank i Israelitarja, har lubras li trujel an peskro dadeskro kheer. Jaake tchiwenn tumer o tchilatchepen mank tumende win.

5. Mose 22:24

palle lenn kol dujen un anenn len win glan o foro, un witsrenn barra ap lende, bis te hi le mulo: Koi tchai, kai gar gole das, ninna te his li an o foro, kai nai wals li shunlo. Un ko murshes, kai ladj ap i pirnjate i wawarestar anas. Jaake tchiwenn tumer o tchilatchepen mank tumende win.