5. Mose 20:3 - O Debleskro Drom 2021 (Sinte)

³ “Murshale dran Israel, shunenn! Tumer djan kau diwes an o kurepen, te kurenn tumen kolentsa, kai kamenn tumen gar an o them. Awenn sorelo! Ma darenn lendar! Un ma mukenn tumen traash te krell!

O Debleskro Lab 2024 (Sinte-Manouche)

³ “Morshale dran Israel, shounenn! T'mer djan kava dives an o kourepen, te kourenn t'men kolentsa, kay kamenn t'men gar an o them. Avenn zorelo! Ma darenn lendar! Oun ma moukenn t'men traash te krell!

5. Mose 20:3 ပူးပေါင်းရင်းမြစ်များ

2. Familjakro liil 32:8

O baro rai dran Assur rikrell pes ap i menshengri soor. Pash mende hi o baro Dewel, kai maro Dewel hi. Job well menge ap i rig un kurell pes menge.” Un i menshe rikran pen ap kol laba, hoi lengro baro rai, o Hiskija, lenge penas.

Hiob 23:16

Awa, o Dewel kras miro dji darenes, o sorelo Dewel kras mange bari traash.

Debleskri gili 3:6

Me tchiwom man tele un sowom, un djinom, har djangrom, o baro Dewel das jak ap mande i tseli rat.

2. Mose 14:13

O Mose penas ap i tsele menshende: “Ma darenn! Atchenn soreles! Dikenn har o baro Dewel tumen kau diwes win lell dran i wasta kol Egiptarendar! Kal Egiptarjen, kai tumer kau diwes dikenna, kolen dikenn tumer buder gar, witar gar an ko tsiro, hoi wella.

Jesaja 28:16

Doleske penell o baro Dewel, maro rai: Ap i berga Zion tchiwau i sorelo bar, ap koleste miro kheer tardo well. Sorelo un kutch hi ko bar un rikrell lauter win. Ap leste hi tardo: Koon ap mande patsell, nashell peske gar.

Jesaja 7:4

Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.

4. Mose 14:9

Ma perenn o baro Deblestar tele, un trashenn gar kol menshendar an ko them! Mer kamah len pre te chal har maro. Lengro dewel, kai das jak ap lende, mukas len. O baro Dewel hi mentsa. Ma trashenn lendar!”

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Mateo 10:31

Doleske ma darenn! Tumer molenn budeder har bud tchirkle.

Mateo 8:26

Koi penas lo: “Hoske trashenn tumer? Kai hi tumaro patsepen?” Un job stas pre, un penas ap ko sorelo ducho, hoi phurdas pral o pani: “Atch kanna!” Un ap o baro pani penas lo: “Muk tele!” Un o sorelo ducho phurdas buder gar, un o pani his buder gar diwjo.

Markus 16:18

Jon te lenn sapa an pengre wasta, un te pijenn le i pipen, kai nai merenn le, palle wenn le gar nasselo. Ap i nasslende tchiwenn le i wasta pre. Un kolla wenn sasto.”

Markus 16:6

Job penas ap lende: “Ma trashenn! Tumer rodenn o Jesuses dran Nazaret, kai was ap o trushel dino. Job stas i mulendar pre. Job hi gar kate. Dikenn kote, kai job tchiddo his.

Bičepangre 27:24

Kowa penas ap mande: Ma traash, Paulo! Tu hunte wess glan o baro rajeste an o foro Rom anlo. O Dewel shunas tut: Kek ap kau shiffo merella.

5. Mose 1:21

Job das kau them an tumare wasta. Djan koi un lenn les dren, te well lo tumaro, jaake har penas tumenge o baro Dewel, ko Dewel, kones tumare phure an-mangan. Ma trashenn un mukenn tumenge kek daar te krell!”

5. Mose 20:1

Te djan tumer win an o kurepen, te kurenn tumen kolentsa, kai kamenn tumen gar an o them, un tumer dikenn lengre graja un kurepaskre wurdja un lengre lurden, kai hi bud budeder har tumer, palle ma darenn lendar! Tumaro baro Dewel hi tumentsa, kowa kai tumen dran o them Egiptia win anas.

5. Mose 20:2

Glan te stenn tumer pre un djan an o kurepen, stakrell o rashai glan un penell ap tumare kurepangre:

1. Tessalonikarja 5:15

Ma awenn tchilatcho ap kolende, kai tchilatcho ap tumende wan! Mukenn gar tele, te wenn latches ap hakeneste mashkral tumende, ninna ap i tsele wawar menshende!

1. Timoteo 6:12

Jaake har i kurepaskro kurell pes mishto un dell gar pre, jaake dess tu gar tiro patsepen pre, te tapress ko djipen, hoi gar pre-herella. O Dewel das tut gole, te tapress les. Un tu penal glan bud menshende, kai patseh ap o Jesus Kristeste.

Hebrearja 13:6

Jaake hunte daras gar un nai penah: O Dewel hi ap miri rig, me hunte darap gar. Hoi nai krell i mensho ap mande?

Josua 23:10

Jek mursh tumendar tradell jek-sero murshen. Tumaro baro Dewel, job hi kowa, kai kurell pes tumenge lentsa, jaake har lo penas.

Debleskro tsiro 2:10

Ma darenn kol duka, hoi ap tumende wenna! O beng mukell menshen tumendar an o stilepen te witsrell, te well diklo, har sorelo tumaro patsepen ap mande hi. Un tumer wenn deesh diwessa palla lino. Atchenn soreles an tumaro patsepen ap mande, ninna te marenn le tumen! Palle dau tumen o djipen, hoi atchella. Jaake baro hi tumaro plaissepen!

1. Samuel 17:32

Un o David penas ap o Saul: “Miro rai, kek tire murshendar hunte darell ko Filistarestar! Me kamau koi te djal un man leha te marell.”