5. Mose 2:8 - O Debleskro Drom 2021 (Sinte)

⁸ Jaake djam dureder un mukam mare phralen pal mende, kol menshen, kai wan o Esaestar, un djiwenn ap i berge Seir. Un mer mukam o drom, hoi djal dran i forja Elat un i Ezjon-Geber an i tala Jordan bis pash o Mulo Baro Pani, un rissram un lam o drom, hoi djal an o mulo tato them Moab.

O Debleskro Lab 2024 (Sinte-Manouche)

⁸ Yaake djam doureder oun moukam mare phralen pal mende, kol menshen, kay van o Esaestar, oun djivenn ap i berge Seir. Oun mer moukam o drom, hoy djal dran i forya Elat oun i Ezyon-Geber an i tala Yordan bis pash o Moulo Baro Pani, oun rissram oun lam o drom, hoy djal an o moulo tato them Moab.

5. Mose 2:8 ပူးပေါင်းရင်းမြစ်များ

1. Mose 25:23

O baro Dewel penas ap late: “Tu weh i dai dui tchawendar. Kol dujendar wenna bud menshe, jaake bud, kai hakenestar jek natsjona wella. Ko terneder well sorleder har ko phureder un well o rai pral leste.”

1. Rajengro liil 9:26

Un o baro rai Salomo mukas ninna shiffe te krell an o foro Ezjon-Geber, hoi hi pash o foro Elat tchiddo, pash o Baro Lolo Pani an o them Edom.

2. Rajengro liil 14:22

Un pal o merepen leskro dadestar, las o Asarja o foro Elat pale dren un anas les pale pash o Juda.

2. Rajengro liil 16:6

An ko tsiro anas o Rezin, ko baro rai pral o them Syria, ko fores Elat pale pash o them Edom, un tradas i menshen dran Juda dran o foro Elat win. Pal kowa wan i Edomarja un djiwan pale an Elat. Kote hi le ninna kau diwes.

4. Mose 21:4

Palle mukan jon koi berga Hor pal pende un djan dureder ap ko drom, kai djal pash o Baro Lolo Pani. Jaake djan le trul ko them, kai djiwan kol Edomarja. Un i Israelitarja wan chojedo ap o drom.

4. Mose 33:35

an Ezjon-Geber,

5. Mose 1:1

Kalla hi i laba, hoi o Mose ap i tsele Israelitarja penas, har his le an o mulo tato them ap i wawar rig o panjestar Jordan, an ko telstuno kotar them pash Suf mashkral o foro Paran ap jek rig un kol forja Tofel, Laban, Hazerot un Di-Sahab ap i wawar rig.

Čačepangre 11:18

Palle djan le an o mulo them, un trul o them Edom un o them Moab trujel. Un wan pash o them Moab koi rigjatar, kai o kham pre djala. Un jon tchiwan pengre plachtene khera pre ap i wawar rig o panjestar Arnon. Jaake wan le gar an o Moabengro them. O pani Arnon nashell mank Moab un o mulo them.