5. Mose 2:37 - O Debleskro Drom 2021 (Sinte)

³⁷ Pash ko them, hoi i Ammonarja djiwenn, djam gar, gar pash o lengsto pani Jabbok, witar gar pash i forja ap i berge. Jaake kamas kowa maro baro Dewel.

O Debleskro Lab 2024 (Sinte-Manouche)

³⁷ Pash ko them, hoy i Ammonarya djivenn, djam gar, gar pash o lengsto pani Yabbok, vitar gar pash i forya ap i berge. Yaake kamas kova maro baro Devel.

5. Mose 2:37 ပူးပေါင်းရင်းမြစ်များ

1. Mose 32:22

Jaake djan i budepangre i viechentsa glan o Jakobeste. Un job atchas i rati ap koi platsa.

4. Mose 21:24

O Israel his sorleder un das les o chareha un las lestar ko them peske, hoi hi mank o pani Arnon un o pani Jabbok un djal bis pash o them, kai kol Ammonarja djiwenna. Ko them, kai i Ammonarja djiwan, djas bis pash o foro Jaser.

5. Mose 2:19

Un tu weh pash o them, kai i Ammonarja djiwenn, kol menshe, kai wenna pal o Lot. Kolenge kress kek tchilatchepen! Un muk tut ap kek tchingepen lentsa dren. Me dau tut kek kotar lengro themestar, hoi dom lende.”

5. Mose 2:5

te mukenn tumen ap kek tchingepen lentsa dren. Me dau tumen kek piro baro kotar lengro themestar. I berge Seir dom me o Esaeste, te hi le leske.

5. Mose 2:9

Un o baro Dewel penas ap mande: “Kre i menshenge an o them Moab kek tchilatchepen, un ma muk tut an i tchingepen lentsa dren! Ma bistrenn, jon hi i menshe, kai wenna pal o Lot. Lenge dom o foro Ar un ko them trujel, te djiwenn le kote. Me kamau tut tchi lengro themestar te dell.”

5. Mose 3:16

Un i menshenge dran i familja Ruben un dran i familja Gad dom me ko kotar them tchatches o themestar Gilead bis pash o lengsto pani Arnon – bis mashkral an kau pani. Ap koi rig, kai o kham pre djal, djas lengro them bis pash o lengsto pani Jabbok. Ap leskri wawar rig hi o them Ammon.

Josua 12:2

Jek kol bare rajendar his o Sihon. Job his o rai pral i Amorarja, un djiwas an o foro Heshbon. Leskro them his tchiddo mank o foro Aroer, hoi pash ko pani Arnon tchiddo hi, fun mashkral an i tala bis pash o pani, hoi kharell Jabbok. Ap o wawar rig o panjestar Jabbok hi o them Ammon. An o them o rajestar Sihon his ninna o paash them Gilead.

Čačepangre 11:15

Kolla penan leske: Jaake rakrell o Jefta: “O Israel las kek them i Moabendar, witar gar i Ammonendar.

Čačepangre 11:22

ko them hoi lenge his mank o pani Arnon un o pani Jabbok, un mank i mulo them un o pani Jordan.