5. Mose 2:32 - O Debleskro Drom 2021 (Sinte)

³² Un o Sihon djas win dran o foro peskre tsele lurdentsa, te kurenn le pen mentsa pash o foro Jahaz.

O Debleskro Lab 2024 (Sinte-Manouche)

³² Oun o Sihon djas vin dran o foro peskre tsele lourdentsa, te kourenn le pen mentsa pash o foro Yahaz.

5. Mose 2:32 ပူးပေါင်းရင်းမြစ်များ

Nehemia 9:22

Un dal rajengre themma un wawar menshen an lengre wasta; jek them pal o wawar dal tu len. Jaake lan le o them Heshbon dren, kai o Sihon o baro rai his, ninna o them Bashan, kai o Og o baro rai his.

Debleskri gili 120:7

Me kamau kek kurepen. Te penau kowa lenge, krenn jon o tchingepen.

Debleskri gili 135:11

O Sihon, ko baro rai pral i Amorarja, un o Og, ko baro rai pral Bashan, un i tsele bare raja an o them Kanaan.

Debleskri gili 136:19

O Sihon, o baro rai pral i Amorarja. Leskro latchepen atchella hako tsireske!

5. Mose 2:31

Un o baro Dewel penas ap mande: “Shun, me mukau tumen o Sihones un leskre lurden te dell, un leskro them dren te lell. Djan koi un lenn les dren, te well les tumenge.”

5. Mose 2:33

Un maro baro Dewel das len an mare wasta, jaake te maram les un leskre tchawen un leskre tsele lurden.

5. Mose 3:1

Kote rissram un lam o drom, hoi an o them Bashan pre djal. Un o Og, ko baro rai pral Bashan, djas win peskre tsele lurdentsa, te kurenn le pen mentsa pash o foro Edrei.

Josua 12:1

Un kalla hi kol bare raja, pral kolende i Israelitarja i sorleder wan, un lengre themma dren lan. Dui his i raja pral o them ap koi rig o panjestar Jordan, kai o kham pre djala, mank o pani Arnon un koi berga, hoi kharell Hermon, ninna pral koi tseli tala ap koi rig o panjestar Jordan, kai o kham pre djal.