5. Mose 2:25 - O Debleskro Drom 2021 (Sinte)

²⁵ Kau diwesseha krau te darenn tumendar i menshe an hake themma. Koon tumendar shunella, trashell un trissell i darjatar.”

O Debleskro Lab 2024 (Sinte-Manouche)

²⁵ Kava divesseha krau te darenn t'mendar i menshe an hake themma. Koon t'mendar shounella, trashell oun trissell i daryatar.”

5. Mose 2:25 ပူးပေါင်းရင်းမြစ်များ

1. Mose 35:5

Un jon kran pen ap o drom. Un o Dewel tchiwas i daar ap kol menshende, kai djiwan an i forja trul lende. Un kolla lan len gar palla.

1. Familjakro liil 14:17

Un o David his i sharedo mursh an i tsele themma. Un o baro Dewel kras, te was i traash glan leste ap i tsele themma.

Debleskri gili 105:38

I Egiptarja daran lendar, un his bachtele, har djan jon penge.

2. Mose 23:27

An hako them, kai tu djah, krau me i menshenge sawi daar glan tute, te nashenn le i darjatar penge.

Jeremia 33:9

Palle well o foro Jerusalem mange i foro, pral koleste bachtelo hom. I menshe an i tsele themma sharenn man, un hadenn man, te shunenn le ko tselo latcho koowa, hoi me o foreske Jerusalem krau. Lenge atchell o rakepen krik, un jon krenn bare jaka, te dikenn le ko tselo latchepen un koi tseli bacht, hoi dau kau foreske.

4. Mose 22:3

Un kol Moabarjen his bari daar kol menshendar Israel, kai jaake bud his. Un kol Moabarja trashan lendar.

5. Mose 11:25

Kek nai atchell glan tumende tardo, Traash un daar mukell tumaro baro Dewel ap i menshende an o tselo them te well glan tumende, jaake har job les tumenge penas.

5. Mose 28:10

Palle dikenn le an i tsele themma ap i phub, te han o baro Debleskre wi-rodede menshe, un jon darenn tumendar.

Josua 10:2

Kote tapran i menshe an o foro Jerusalem bari daar. O foro Gibeon his i baro foro, jaake baro har kol forja, kolen i baro rai his, un his bareder har o foro Ai his. Un lengre tsele mursha his tchatche kurepangre.

Josua 9:24

Un jon penan ap o Josua: “Maro rai, mer shunam, te hi kowa tchatcho, te penas o baro Dewel ap o Mose, koles leskro tchatcho wast his, te dell lo tumen o tselo them, un te hunte wenn halauter mulo dino, hoi dren djiwenn. Doleske his men bari daar maro djipaske, un kram kawa jaake.

Debleskro tsiro 3:9

Shunenn, hoi me kol bengeskre menshentsa krau, kai chochenn un penenn pendar, te hi le o Debleskre menshe, un jon hi kek Debleskre menshe. Me krau, te wenn le pash tumende, te witsrenn le pen glan tumende ap i phub, un te haiwenn le, te kamau tumen o tselo djijestar.