5. Mose 2:14 - O Debleskro Drom 2021 (Sinte)

¹⁴ Kowa his 38 (trijanda-te-ochta) bersha pal ko diwes, kai djam o ersto kopo dran Kadesh-Barnea. An ko tsiro bersha meran i tsele kurepangre dran Israel, jaake har o baro Dewel pes sowel das, te well kowa jaake.

O Debleskro Lab 2024 (Sinte-Manouche)

¹⁴ Kova his 38 (triyanda-te-orhta) bersha pal ko dives, kay djam o ersto kopo dran Kadesh-Barnea. An ko tsiro bersha meran i tsele kourepangre dran Israel, yaake har o baro Devel pes sovel das, te vell kova yaake.

5. Mose 2:14 ပူးပေါင်းရင်းမြစ်များ

Debleskri gili 106:26

Kote hadas lo peskro wast un das pes sowel, te marell lo len an o mulo tato them,

Debleskri gili 90:15

I rah tsiro hams tele rikedo. De men kanna jaake bud bachtele bersha, har hams an i bibacht.

Debleskri gili 90:3

Tu penell menge: “Awenn pale, tumer menshe!” Un mukeh men pale tchik te well.

Debleskri gili 90:9

Dran tiri choli djan mare diwessa tchitcheske trujel. Mare bersha djan jaake sik har te phurdell jek o ducho win.

Debleskri gili 95:11

Doleske dom man sowel an miri choli: “Jon te djan gar dren an miro them, kai nai wans le khere!”

Ezekiel 20:15

Me hadom miro wast pre, un dom man sowel, te anau len gar an ko them, hoi lenge win rodom, ko them, an koleste budeder har doha thud un gwin hi, un hoi shukeder hi har i tsele wawar themma.

4. Mose 1:1

Un o baro Dewel rakras o Moseha an o mulo tato them Sinai, an o Debleskro plachteno kheer, ap o ersto diwes, an o duito tchon, an o duito bersh, har jon dran ko them Egiptia win djan. Un o baro Dewel penas:

4. Mose 13:26

Un wan pash o Mose un o Aron un pash kol tsele Israelitarja, kai atchan an o mulo tato them Paran pash i panjeskro kotar them, hoi kharella Kadesh. Un jon penan lenge kowa, hoi jon dikan, un sikran lende kol drake, phabja un faige dran ko them.

4. Mose 32:11

‘Kowa hi tchatcho, hoi penau: Kalla menshe, kai dran o them Egiptia win djan, un hi biish bersha un phureder, dikenn ko them gar, kai dom man sowel, te dap les o Abrahameste, o Isaakeste, un o Jakobeste. Jon djan mantsa gar o djijeha.

1. Korintarja 10:5

Ninna te his jaake, nai dikas o Dewel gar latches ap bud lendar. Un jon meran an o mulo them.

5. Mose 1:19

Mer kram, hoi maro baro Dewel menge penas, un djam dureder un mukam i berga Horeb pal mende, un kram men ap o drom an o pralstuno them, kai i Amorarja djiwan. Ap maro drom hunte djam an o baro mulo them trujel, hoi jaake dareno hi, har tumer dikan, un wam pash o foro Kadesh-Barnea.

5. Mose 1:2

[Deesh-te-jek diwessa hi o drom lengsto mank i berga Horeb un o foro Kadesh-Barnea ap i berge Seir.]

5. Mose 1:46

Jaake atchan tumer ap i panjengri platsa Kadesh i rah tsiro.

5. Mose 2:13

O Mose penas dureder: Palle kram men ap o drom, jaake har o baro Dewel menge penas, un djam wergel ko lengsto pani, hoi kharella Sered.

5. Mose 2:16

Un har i kurepangre dran Israel halauter mulo his,

5. Mose 2:7

Ma bistrenn, maro baro Dewel das men bacht an halauter, hoi mare wasta kran. Job das jak ap mende ap o drom an kau baro mulo them: Star-deesh (40) bersha his o baro Dewel mentsa, un halauter hoi men hunte was, das lo men.

Josua 24:7

kote dan le gole ap mande, o baro Debleste. Un me tchiwom rati mashkral lende un i Egiptarjen. Un mukom o baro pani pral i Egiptarjen te well. Un o pani tchakras len. Un tumare phure dikan pengre jakentsa, hoi me ap i Egiptarjen krom. Un tumer djiwan i rah tsiro an o mulo them.

Josua 5:4

Har djan i Israelitarja dran o them Egiptia win, his i tsele mursha tchinlo ap pengro mass. Kolla, kai an o mulo tato them bolde wan, his gomme gar tchinle ap pengro mass. Doleske tchinas o Josua len kanna ap lengro mass. An kol star-deesh bersha har djan le an o mulo tato them trujel, meran i tsele mursha, kai phuro doha his, te djan le an o kurepen. Jon shunan gar ap kowa, hoi o baro Dewel penas. Doleske hunte meran le jaake, har o baro Dewel pes sowel das, te mukell lo len ko them gar te dikell, kolestar job lengre phurenge penas un peskro wast pre das, te dell lo len i them, kai bud thud un gwin hi.

Judas 1:5

Ninna te djinenn tumer kowa lauter, kamau, te bistrenn gar, har o Dewel, maro rai, peskre menshen dran o them Egiptia win las. Un ap i wawar tsiro maras lo kolen, hoi gar patsan.