5. Mose 19:8 - O Debleskro Drom 2021 (Sinte)

^8-9 Te krenn tumer halauter, hoi tumenge kau diwes penau, te hunte krenn, te kamenn tumaro baro Debles o tselo djijeha un djan ap leskre dromma, palle krell tumaro baro Dewel tumaro them bareder, jaake har job pes glan tumare phurende sowel das. Ap ko tsiro, kai das lo tumen o tselo them, palle rodenn tumenge triin wawar forja win!

O Debleskro Lab 2024 (Sinte-Manouche)

^8-9 Te krenn t'mer halauter, hoy t'menge kava dives penau, te hounte krenn, te kamenn t'maro baro Debles o tselo djiyeha oun djan ap leskre dromma, palle krell t'maro baro Devel t'maro them bareder, yaake har yob pes glan t'mare phourende sovel das. Ap ko tsiro, kay das lo t'men o tselo them, palle rodenn t'menge triin vavar forya vin!

5. Mose 19:8 ပူးပေါင်းရင်းမြစ်များ

1. Mose 28:14

Jon wenna jaake bud har i tchik, hoi ap i phub hi. Un krau lengro them baro un buchlo ap hake rigja. Un koi bacht, hoi dau tute un tire tchawende, djal dureder ap i tsele menshende, kai ap i phub hi.

Esra 4:20

Ninna his sorele bare raja an o foro Jerusalem, kai his i raja pral halauter, hoi ap i wawar rig o panjestar Eufrat djiwella, jaake kai was lenge hunte themeskre lowe dino, ninna foreskre lowe un wawar koowa.

2. Mose 23:31

Un me penau, har bares tiro them wella. Job djal fun ko Baro Lolo Pani bis pash ko baro pani, kai i Filistarja djiwenn, un fun o mulo tato them bis pash o lengsto pani Eufrat. Kolla, hoi kote djiwenna, dau an tiro wast, te tradenn tumer len dran o them win.

2. Mose 34:24

Me tradau i tsele wawar menshen glan tumende krik, un krau tumaro them bareder. Jaake well kek an tumaro them, te lell lo peske i kotar them ap ko tsiro, kai djan tumer triin kope an o bersh pash tumaro baro Debleste, te wenn khetne glan leste.

5. Mose 12:20

Te dell tumaro baro Dewel – jaake har lo rakras – tumende budeder them, un tumen hi bok ap mass, palle chan mass an tumare gaba un forja, jaake bud har kamenn!

5. Mose 19:7

Doleske penau me tumenge, te rodenn triin forja win.