5. Mose 19:7 - O Debleskro Drom 2021 (Sinte)

⁷ Doleske penau me tumenge, te rodenn triin forja win.

O Debleskro Lab 2024 (Sinte-Manouche)

⁷ Doleske penau me t'menge, te rodenn triin forya vin.

5. Mose 19:7 ပူးပေါင်းရင်းမြစ်များ

2. Mose 21:13

Te kamas lo les gar temerl te dell, un o Dewel mukas, te was kowa jaake, palle nai nashell lo an i foro, hoi o baro Dewel wi-rodas sawe menshenge.

5. Mose 19:6

Te wals an o tselo them kokres jek sau foro, nai wals ko drom dur koleske, kai hunte nashell peske kote. Un kowa, kai kamell o rat o mulestar pale te anell ap o shero kolestar, kai maras les, un lell les pherdi choli palla, kowa nai lals les dren un dals les mulo – koles, kai kek doosh ap leste hi, kolake job hunte merals. Job his glan kowa gar chojedo ap o wawareste.

5. Mose 19:8

Te krenn tumer halauter, hoi tumenge kau diwes penau, te hunte krenn, te kamenn tumaro baro Debles o tselo djijeha un djan ap leskre dromma, palle krell tumaro baro Dewel tumaro them bareder, jaake har job pes glan tumare phurende sowel das. Ap ko tsiro, kai das lo tumen o tselo them, palle rodenn tumenge triin wawar forja win!

5. Mose 3:18

An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

5. Mose 4:41

Palle rodas o Mose triin forja win ap kai rig o panjestar Jordan, kai o kham pre djal,