5. Mose 19:17 - O Debleskro Drom 2021 (Sinte)

¹⁷ palle wenn kol dui, kolen tchingepen pentsa hi, pash o baro Debleskro kheer, glan i rashajende un glan i tchatchepangre murshende, kolla an kol diwessa koi hi.

O Debleskro Lab 2024 (Sinte-Manouche)

¹⁷ palle venn kol douy, kolen čingepen pentsa hi, pash o baro Debleskro kheer, glan i rashayende oun glan i čačepangre morshende, kolla an kol divessa koy hi.

5. Mose 19:17 ပူးပေါင်းရင်းမြစ်များ

2. Mose 21:6

Palle lell les leskro rai un anell les glan o Debleste, un tchiwell les glan o wudar tardo, un dell i kashteni sub an leskro kand tchurje. Kowa sikrell, te atchell lo peskro tselo djipen leskro budepaskro.

2. Mose 22:8

Kote, kai dui mursha tchingrenn pen pral i grumni, i burika, i bakro, i ripen, ninna pral wawar koowa, hoi nashedo was, kote hunte wenn kol dui glan o Debleste. Un kones o Dewel i doosh dell, kowa dell ko wawares dui kope jaake bud pale.

Ezekiel 44:24

Te well i tchingepen glan lende anlo, hi jon i tchatchepangre mursha un hunte penenn o tchatchepen win, un hunte djan pal mire tchatchepaskre laba. Un jon hunte krenn, te wenn mire bare diwessa ap o tchatcho tsiro jaake dren rikedo, har me penom, te well kowa kerdo. Ninna denn le jak, te well o Debleskro diwes dren rikedo.

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.

5. Mose 17:9

Kote djan pash i rashajende dran o kheer Levi un pash o tchatchepaskro mursheste, kai an kol diwessa koi hi. Un len putchenn! Un jon penenn tumenge, hoi hunte krenn.

5. Mose 21:5

Palle stakrenn i rashaja dran o kheer Levi glan. Kolen rodas tumaro baro Dewel win, te krenn le leskri budi, un te rakrenn le leskri bacht win pral i menshende. Un an i tchingepen un pal i marepen rakrenn le o tchatchepen win.

5. Mose 25:1

Te well i tchingepen mashkral mursha pre, un jon glan tchatchepangre murshende stakrenn, un o tchatchepen well win kerdo, palle well pral koleste, kai an o tchatchepen his, glan halauterende win rakedo, te hi job an o tchatchepen. Un pral koleste, koles doosh his, well glan halauterende win rakedo, te hi les doosh.