5. Mose 19:14 - O Debleskro Drom 2021 (Sinte)

¹⁴ An ko tsiro, kai djiwenn an ko them, hoi tumaro baro Dewel tumen dell, te lenn les tumenge dren, palle hunte tchiwess gar kol barra ap i rig, hoi sikrenn har baro hi ko kotar them kolestar, kai langs tute djiwell. Kolla his tire phure, kai tchiwan kol barra koi.

O Debleskro Lab 2024 (Sinte-Manouche)

¹⁴ An ko tsiro, kay djivenn an ko them, hoy t'maro baro Devel t'men dell, te lenn les t'menge dren, palle hounte čivess gar kol barra ap i rig, hoy sikrenn har baro hi ko kotar them kolestar, kay langs toute djivell. Kolla his tire phoure, kay čivan kol barra koy.

5. Mose 19:14 ပူးပေါင်းရင်းမြစ်များ

Hiob 24:2

O tchilatche tchiwenn kol barra ap i rig, hoi sikrenn har baro jekeskro them hi. Un jon tchorenn bakre un anenn len ap pengro kotar phub.

2. Mose 21:13

Te kamas lo les gar temerl te dell, un o Dewel mukas, te was kowa jaake, palle nai nashell lo an i foro, hoi o baro Dewel wi-rodas sawe menshenge.

Gosewe laba 15:25

O baro Dewel phagell o kheer kolestar, kai pre-phurdo hi. Job dell jak, te lell kek koi phub i romjatar krik, kolakro rom meras.

Gosewe laba 22:28

Ma tchip kol phure barra krik, hoi sikrenn har baro tiro them hi, un hoi tire phure kote tchiwan.

Gosewe laba 23:10

Ma tchip kol phure barra krik, hoi sikrenn, har baro tiro them hi. Ma le i phub kol tchawendar krik, kolen kek dad buder hi.

Hosea 5:10

I pralstune an o them Juda lan penge o themestar, hoi i Israelenge his. Jon hi har kolla, kai tchiwenn kol barra i kotar krik, hoi sikrenn har baro jekeskro kotar phub hi. Doleske tchorau miri choli pral lende win har pani.

5. Mose 27:17

“Praassedo well kowa, hoi i barra ap i rig tchiwell, hoi sikrenn har baro o wawareskro kotar them hi.” Un i tsele menshe hunte penenn: Amen!

5. Mose 3:18

An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

5. Mose 4:41

Palle rodas o Mose triin forja win ap kai rig o panjestar Jordan, kai o kham pre djal,