5. Mose 19:13 - O Debleskro Drom 2021 (Sinte)

¹³ Job te khaitell tumen gar! Sawo marepaskro hunte merell, te djal tumenge mishto an Israel. Job maras jekes, ap koleste kek doosh his.

O Debleskro Lab 2024 (Sinte-Manouche)

¹³ Yob te khaytell t'men gar! Savo marepaskro hounte merell, te djal t'menge mishto an Israel. Yob maras yekes, ap koleste kek doosh his.

5. Mose 19:13 ပူးပေါင်းရင်းမြစ်များ

1. Mose 9:6

O Dewel kras o menshes, jaake har job hi. Doleske hunte well kowa mulo dino i menshestar, kai i menshes mulo das.

2. Samuel 14:7

Un kanna stan mire tsele menshe pre un kamenn, te dap len koles, kai das peskro phrales mulo, te lenn le leskro djipen ko djipaske leskro phralestar, koles job mulo das. Palle hi man buder kek tchawo, kai pal miro merepen lauter lella. Un kowa, kai mange pral atchas, hi ninna krik. Un o lab miro romestar well bistedo.”

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

2. Samuel 21:14

Un jon paskran len khetne i kokale o Saulestar un leskro tchawestar Jonatan an ko them Benjamin, an o gab Zela, an o mulengro kheer peskro dadestar Kish. Un jon kran lauter jaake har o baro rai David penas. Pal kowa his o baro Dewel pale kamlo ap ko them.

1. Rajengro liil 2:31

O baro rai penas ap leste: “Kre har job penas, un de les temerl, un an les tel i phub, te lap me un miro dadeskro kheer kek phagi koleske, hoi o Joab kras, har maras lo dui murshen tchitcheske. Kal dui murshen djiwan budeder an o tchatchepen un his latcheder har job: o Abner, koleskro dad o Ner his, job his o pralstuno lurdo pral Israel, un o Amasa, koleskro dad o Jeter his, o pralstuno lurdo pral Juda. O Joab maras len o chareha. Un miro dad, o David, djinas tchi kolestar. Doleske mukell o baro Dewel ko rat kol dujendar ap leskro shero te well.

Ezekiel 16:5

Kekes khaital tu, te krals lo sawo koowa ap tute dran kamlepen. Na-a, tu wal tchiddo muklo win ap i phub. Jaake his ap ko diwes, har tu boldo wal. Kek kamas tut.

3. Mose 24:17

Koon i menshes mulo dell, hunte well mulo dino.

3. Mose 24:21

Koon i vieches mulo dell, hunte dell sau vieches pale. Koon i menshes mulo dell, hunte merell.

4. Mose 35:31

Te das job tchatchepah jekes mulo, nai ginell lo pes gar win. Tumer hunte lenn kek lowe lestar, witar gar leskre menshendar. Maredo hunte well lo.

5. Mose 13:8

Nai well, te penell lo: ‘Mange kol debles an kol menshendar, kai hi trul tute’, oder ‘ko debles kol menshendar, kai hi dur tutar’. Kai le ninna hi ap i tseli phub,

5. Mose 19:12

palle hunte bitchrenn i phureder dran leskro foro murshen koi, te lenn le les khere, un denn les an i wasta kolestar, kai anell o rat ko mulestar pale ap o koleskro shero, kai das les mulo.

5. Mose 19:21

Ko chocheno hunte khaitell tumen gar! Krenn jaake: Jek djipen i djipaske, jek jak i jakeske, jek dand i dandeske, jek wast i wasteske, jek piro i pireske!

5. Mose 21:9

Jaake krenn tumer, hoi mishto hi glan o baro Debleskre jaka, un tchiwenn ko tchilatchepen krik mashkral tumende. Un job dikell gar ap tumende, har te wans tumer, kai dan koles mulo.

5. Mose 25:12

palle well lake ko wast tele dino. Joi hunte khaitell tumen gar.

5. Mose 7:16

Tumer hunte marenn i tsele natsjone, hoi tumaro baro Dewel an tumare wasta dell. Jon hunte khaitenn tumen gar, un lengre deblen hunte mangenn gar an. Jon anans tumen an i bibacht.

5. Mose 7:2

Te dell tumaro baro Dewel len an tumare wasta, un tumer denn len, palle hunte marenn len halauteren. Tumer hunte krenn gar lentsa win, te wenn lengre mala, un hunte sikrenn kek latchepen ap lende.