5. Mose 18:3 - O Debleskro Drom 2021 (Sinte)

³ Kawa hi, hoi i rashajen hunte well: Te anell jek i grumni, oder i bakro o baro Debleske, hunte dell lo kolestar o phik, kol dui tchamja un i buke o rashajeske.

O Debleskro Lab 2024 (Sinte-Manouche)

³ Kava hi, hoy i rashayen hounte vell: Te anell yek i groumni, oder i bakro o baro Debleske, hounte dell lo kolestar o phik, kol douy čamya oun i bouke o rashayeske.

5. Mose 18:3 ပူးပေါင်းရင်းမြစ်များ

2. Mose 29:27

Hako kopo, kai well i mursh mange i rashai, well o betch kau bakrestar un o pralstuno kotar i herjatar glan o baro Debleste pre hadedo, te sikrenn le, kai kowa o Debleske hi.

2. Mose 29:28

Kol dui kotja mass wenn pre hadedo glan mande, o baro Debleste. Palle nai chal len o Aron peskre tchawentsa. Un jaake well kowa kerdo hako kopo, kai marenn i Israelitarja i bakres mange, hoi chan le palle khetne glan mande.

3. Mose 22:7

Te djas o kham tele, palle hi lo pale erligo, un nai chal fun ko chapen, hoi o Debleske anlo was. Kowa hi kowa, kolestar job djiwell.

4. Mose 18:11

Ninna ko wawar koowa, hoi i Israelitarja mange anenn, dau me tute un tire tchawende un tchende, hako tsireske. Koon gar pale-tchiddo hi an tiro kheer nai chal kolestar.

4. Mose 18:12

Ko tselo latcheder djet, un ko latcheder mool un djob, ninna lauterestar hoi glanstunes bares was ap i hachetikri phub, kowa halauter, hoi jon o baro Debles dan, dau me tumende. Koon gar pale-tchiddo hi an tiro kheer nai chal kolestar.

5. Mose 12:27

Kote chatchrenn leske kol viechen, hoi wenn tseles chatchedo, lengro mass un rat. Kol wawarendar, hoi tumer chan, tchore o rat ap o baro Debleskri chatchepaskri win.