5. Mose 18:18 - O Debleskro Drom 2021 (Sinte)

¹⁸ I Debleskro rakepaskro har tu jek hal, kai well lendar, koles bitchrau me lenge. Un me kamau leske mire laba an leskro mui te tchiwell. Un job rakrell ap lende halauter, hoi me leske penau.

O Debleskro Lab 2024 (Sinte-Manouche)

¹⁸ I Debleskro rakepaskro har tou yek hal, kay vell lendar, koles bičrau me lenge. Oun me kamau leske mire laba an leskro mouy te čivell. Oun yob rakrell ap lende halauter, hoy me leske penau.

5. Mose 18:18 ပူးပေါင်းရင်းမြစ်များ

Debleskri gili 110:4

O baro Dewel das pes sowel, un job las lat gar pale. Job penas: “Tu hal rashai hako tsireske, sawo har o Melchisedek his.”

Debleskri gili 2:6

“Ap i berga Zion, kai mange hi, tchiwom me i baro rajes, koles me wi-rodom.”

2. Mose 4:12

Un kanna dja pash lende! Me kamau tiro mui te well, un kamau tuke lauter sikrell, hoi tu lenge te peness!”

2. Mose 4:15

Un pen tiro phraleske halauter, hoi job hunte rakrell! Un me, tumaro Dewel, tchiwau mire laba an tiro mui un leskro mui un sikrau tumen halauter, hoi hunte krenn.

Jesaja 50:4

O baro Dewel, miro rai, das man i tchip har i siklen jek hi, te djinap, har te rakrap latches kolentsa, kai khino hi. Taissarlakro djangrell lo mire kanna pre, te shunap har jek, hoi lestar siklo well.

Jesaja 51:16

Un me tchiwom mire laba an tiro mui, un rikrau mire wasta pral tute. Me hom kowa, kai krom o bolepen buchles pral i phub un tchiwom i phub pre. Un me penau ap i menshende an o foro Zion: Mire menshe han tumer!

Jesaja 51:4

Shunenn ap mande, mire menshe, denn jak ap kowa, hoi penau! Me sikrau o drom, hoi te djan. Un mire tchatchepaskre laba hi har i momeli, hoi sikrell i menshenge an i tsele themma. hoi tchatcho hi.

Jeremia 1:9

Un o baro Dewel tchiwas peskro wast ap miro mui, un penas ap mande: Dik, me tchiwau mire laba an tiro mui.

Hosea 12:14

O baro Dewel bitchras peskro rakepaskres, te anell lo i Israelitarjen dran o them Egiptia win. Un leskro rakepaskro das jak ap lende.

Amos 2:11

Tumare mursh tchawendar rodom sawen win, kai wan mire rakepangre. Un tumare terne murshendar rodom mange murshen win, kai mange kokres koi hi. Tumer Israelitarja, penenn mange: Hi kowa gar jaake? penell o baro Dewel.

Maleachi 3:1

O baro Dewel, ko rai pral o bolepen un i phub penell: Denn jak, me bitchrau miro bitchepaskres! Job krell glan mande o drom jaake, har mange mishto hi. Un ko rai, kolestar tumer penenn, te rodenn les, kowa well sik pash peskro kheer. Ko bitchepaskro, kai tumentsa pral kowa rakrell, hoi tumentsa win krom, ap koleste tumer tumaro tselo djijeha dikenna, job hi gar dur.

4. Mose 12:13

Un o Mose das ap o baro Debleste gole: “Ach Dewel, kre lat sasto!”

4. Mose 23:16

Un o baro Dewel was pash o Bileam, un tchiwas leske o lab an o mui, un penas: “Dja pale pash o Balak un pen jaake.”

4. Mose 23:5

O baro Dewel tchiwas o Bileameske o lab an o mui un penas: “Dja pale pale pash o Balak un pen jaake!”

Louka 24:19

Un o Jesus penas: “Hoi djas?” Un jon penan: “Kowa, hoi kran le o Jesuseha dran Nazaret. Job his o Debleskro rakepaskro, ap koleste o Debleskri soor his. O Dewel bitchras les. Kowa dikas hakeno ap kowa, hoi job penas un kras.

Johanni 1:21

“Koon hal tu?” kaman jon te djinell. “Hal tu o Elija?” putchan le lestar. “Na-a,” penas lo, “kowa hom me gar!” “Hal tu o Debleskro rakepaskro, kolestar penlo was, te well job? putchan le lestar.” “Na-a,” penas job.

Johanni 1:25

Jon putchan lestar: “Te hal tu gar o Kristo, witar gar o Elija, un witar gar ko Debleskro rakepaskro, kolestar penlo was, te well job, hoske taufreh tu i menshen?”

Johanni 1:45

O Filipo hatsas o Natanael un penas ap leste: “Mer hatsam koles, pral koleste o Mose an peskre lila tchinas. Ninna o Debleskre rakepangre tchinan pral leste. Job kharella Jesus un hi dran o foro Nazaret. Leskro dad hi o Josef.”

Johanni 12:48

Koon lell man gar pre, un kamell gar mire laba te shunell, kowa lell peskri phagi. Kol laba, hoi me rakrom, denn les i phagi ap ko diwes, kai o tchatchepen pral i tsele menshende wi-rakedo wella.

Johanni 15:15

Tumer han mange buder gar budepangre. I budepaskro djinell gar, hoi leskro rai krella. Tumenge penom halauter, hoi shunom miro dadestar. Doleske han tumer kanna mire mala.

Johanni 17:18

Me bitchrau len pash i menshende, jaake har tu man pash i menshende bitchral.

Johanni 17:8

Hoi tu mange penal, penom me lenge dureder. Un jon lan mire laba pre un haiwan, kai me tchatchepah tutar wom. Un jon patsan, kai tu man bitchral.

Johanni 4:25

Penas i djuwel: “Me djinau, kai well ko baro rai, kolestar o Dewel penas, te well job, kai kharell ninna o Kristo. Te well job pash mende, penell lo menge halauter.”

Johanni 8:28

Koi penas o Jesus ap lende: “Te hadan tumer o Menshengro Tchawes pral, palle djinenn tumer, koon me hom, un kai me tchi mandar kokres kraua. Hoi o dad mange penas, kowa penau me dureder.

Bičepangre 3:22

O Mose penas: I Debleskro rakepaskro har me hom, sawes bitchrell o Dewel pash tumende. Kowa hi jek tumare menshendar. Shunenn ap hako lab, hoi job tumenge penella!

Bičepangre 7:37

Kowa his o Mose, kai ap lende penas: O Dewel bitchrell tumenge i Debleskro rakepaskres har me hom. Kowa hi jek tumare menshendar.

5. Mose 18:15

I Debleskro rakepaskro, har me jek hom, jek, kai well tumendar, koles bitchrell tumaro baro Dewel pash tumende. Ap koleste shunenn!

5. Mose 33:5

Un o baro Dewel was o rai pral o Jeshurun, har i Israelitarja pengre pralstunentsa khetne wan.

5. Mose 34:10

An kek tsiro his an Israel i wawar Debleskro rakepaskro har o Mose, koleha o baro Dewel jak an jak rakras.

5. Mose 5:5

Un me homs mashkral tumende un o baro Debleste tardo an ko tsiro, te penap tumenge, hoi lo penas. Tumer daran i jagatar un djan gar ap i berga pre. Un o baro Dewel penas:

1. Timoteo 2:5

Hi jek Dewel i tsele menshenge. Un hi jek rakepaskro, kai anell o Debles un i menshen khetne. Kowa hi ko mensho Jesus Kristo.

Hebrearja 7:22

Jaake was o Jesus kowa, kai nai anell men tchatchepah pash o Debleste. Kowa nai kras o Mose gar.