5. Mose 18:16 - O Debleskro Drom 2021 (Sinte)

¹⁶ Ap ko diwes, kai hans khetne pash i berga Horeb, mangan tumer kowa tumaro baro Deblestar, un penan: ‘Mer kamah buder gar o rakepen maro baro Deblestar te shunell, un kai bari jag kamah witar gar buder te dikell, te hunte meras gar!’

O Debleskro Lab 2024 (Sinte-Manouche)

¹⁶ Ap ko dives, kay hans khetne pash i berga Horeb, mangan t'mer kova t'maro baro Deblestar, oun penan: Mer kamah bouder gar o rakepen maro baro Deblestar te shounell, oun kay bari yag kamah vitar gar bouder te dikell, te hounte meras gar!

5. Mose 18:16 ပူးပေါင်းရင်းမြစ်များ

2. Mose 20:18

Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.

2. Mose 20:19

Un jon penan ap o Moseste: “Rake tu mentsa, un mer kamah kowa te shunell un krell, hoi tu peneh. Mer kamah gar, te rakrell o Dewel mentsa, te meras gar.”

Jeremia 1:9

Un o baro Dewel tchiwas peskro wast ap miro mui, un penas ap mande: Dik, me tchiwau mire laba an tiro mui.

5. Mose 1:6

Maro baro Dewel rakras mentsa pash i berga Horeb un penas: Doha hans kanna pash kai berga:

5. Mose 10:4

Un har o glanstuno kopo tchinas job kol deesh laba, kolen o baro Dewel ap i berga dran i jag win ap tumende penas, har tumer halauter koi khetne wan. Un o baro Dewel das kol barra mande.

5. Mose 9:10

Un o baro Dewel das man dui barra, an kolende job peskro gushteha kol laba tchinas. Glan kowa penas lo kol laba ap tumende, har khetne wan pash i berga, un i berga pherdi jag his. Dran i jag win rakras lo tumentsa.

Hebrearja 12:19

Jon shunan i bashepaskri, kai jek dren phurdas. Ninna shunan le i sorelo rakepen, hoi penas: Hakeno, kai taprell koi berga i wastentsa, hunte well i barrentsa maredo. Ninna ko viecho hunte merella, hoi kote djala. Har jon kol laba shunan, djas kowa lenge jaake an o dji, te mangan le o Mosestar, te wenn kol sorele laba buder gar ap lende rakedo.