5. Mose 18:10 - O Debleskro Drom 2021 (Sinte)

¹⁰ Kek mank tumende hunte chatchrell peskro mursh tchawes oder peskri tchat an i jag o Debleske. Kek mank tumende hunte well i durkepaskro, kek i drawepaskro, kek, kai krell wawar bengeskri koowa,

O Debleskro Lab 2024 (Sinte-Manouche)

¹⁰ Kek mank t'mende hounte rhačrell peskro morsh čaves oder peskri čat an i yag o Debleske. Kek mank t'mende hounte vell i dourkepaskro, kek i dravepaskro, kek, kay krell vavar bengeskri koova,

5. Mose 18:10 ပူးပေါင်းရင်းမြစ်များ

1. Mose 44:5

Tumer tchoran miro rajeskro rupeno khoro, dran koleste job pijell un durkrell. Hi gar mishto, hoi kran!”

2. Rajengro liil 16:3

Na-a, job djas ap kol dromma, kai kol bare raja dran o them Israel ninna djan. Ninna mukas lo peskro tchawes an i jag te chatchrell, jaake har kowa kol menshe kran, kai o baro Debles gar prindjrenn un sawo djungelo koowa krenn. Kolen tradas o baro Dewel glan i Israelitarja dran o them win, te nai djiwenn i Israelitarja koi dren.

2. Rajengro liil 17:15

Un jon rikran gar leskre laba. Un ko lab, hoi das lo lengre phurende, kai lo penas, te hi lo lengro Dewel un jon leskre menshe, ko lab his lenge tchi moldo. Jon mukan pen gar lestar trad te dell, un nashan kol deblen palla, hoi tchi molenna. Un jaake djiwan le tchitcheske. Jon kran sawo koowa har kol menshe an i themma trul lende, kolendar o baro Dewel lenge penas, te krenn le gar har jon krenna.

2. Rajengro liil 17:17

Un jon mukan pengre tchawe un tcha an i jag te chatchrell, un kran durkepen un drawepen. Un jaake dan le pen an sawo koowa, hoi glan o baro Debleskre jaka djungeles hi un choiran les.

2. Rajengro liil 21:6

Un job mukas peskro tchawes an i jag te djal un shunas ap tchirklengre golja un wawar sikepen, un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

2. Rajengro liil 23:24

Ninna tradas o Josia i tsele drawepangren krik, un kolen, kai i mulen putchenn, un mukas i khereskre deblen un i wawar chochene deblen krik te anell dran o them Juda un dran o foro Jerusalem. Kowa kras lo, te well halauter jaake kerdo, har tchinlo hi an ko liil, kai lenge o Debleskro drom siklo well, – ko liil, hoi o rashai Hilkija an o baro Debleskro kheer hatsas.

1. Familjakro liil 10:13

O Saul meras doleske, kai job gar kras, hoi o baro Dewel leske penas, un kai job pash koi djuwjate djas, kai i mulentsa rakras, un lat putchas.

2. Familjakro liil 28:3

un chatchras sungepaskro koowa an i tala, hoi kharell Ben-Hinnom. Ninna chatchras lo peskre tchawen i chochene deblenge. Jaake kras lo sawo djungelo koowa, har i menshe an wawar themma kran, – sawe menshe har kolla, kai o baro Dewel glan i Israelende dran o them tradas.

2. Familjakro liil 33:6

Un job mukas peskre tchawen an i jag te djal an i tala Ben-Hinnom, un shunas ap tchirklengre golja un wawar sikepen, un kras durkepen un rikras peske drawepangre un sawe menshen, kai i mulen putchan. Jaake kras lo bud koowa, hoi tchilatcho hi glan o baro Debleskre jaka, te choirell lo les.

2. Mose 22:17

I durkepaskretsa hunte denn temerl.

2. Mose 22:18

Hakeno, hoi i viecheha sowell, hunte merell.

Jesaja 47:13

Bud gosewe penan tuke, hoi te kress, jaake te wal khino kol bud labendar. Mu wenn le kanna un lenn tut dran i bibacht win, kolla, kai drawerenn an i bolepangre momlia, te djinenn le, hoi wella, un hako newo tchon tuke penenn, hoi pral tute well.

Jeremia 27:10

Kal menshe penenn tumenge chochepen. Te patsenn tumer lenge, wenn tumer dran tumaro them krik anlo. Me tradau tumen mandar krik, un tumer merenna.

Jeremia 27:9

Ma shunenn ap tumare chochene rakepangre un ap i durkepangre, witar gar ap kolende, kai sikrenn, hoi sunja penenn, witar gar ap kolende, kai krenn bengeskro koowa un kai putchenn i mulen. Kolla lauter penenn tumenge, te hunte krenn gar, hoi o baro rai pral Babilonia tumendar kamell.

Jeremia 32:35

Un jon kran mulne platse o chocheno debleske, o Baaleske an o telstuno them, kai kharella Ben-Hinnom, te nai mukenn le pengre tchawen un tchen o debleske Moloch an i jag te djal. Sawo koowa penom me lenge gar. Un an kek tsiro was mange kowa an miro shero dren, te putchoms sawo koowa lendar. Har jon sawo djungelo koowa kran, anan le i doosh ap o tselo them Juda.

Jeremia 7:31

Un kran an koi tala Ben Hinnom i chatchepaskri, hoi kharell Tofet, te chatchrenn jon pengre tchawen un tchen. Sawo koowa penom me lenge gar. Un kowa was mange gar an o shero.

3. Mose 19:26

Ma chan mass, kai rat dren hi. Ma durkrenn! Ma krenn bengeskro koowa!

3. Mose 19:31

Ma djan pash i durkepangre un pash kolende, kai i mulen putchenn! Ma rodenn sawen pre, te krenn tumen gar pale-tchiddo ap lende. Me, o baro Dewel, hom tumaro Dewel.

3. Mose 20:6

Miri choli well ninna ap koleste, kai djal pash i durkepangre un pash kolende, kai i mulen putchenn, te putchell lo lendar, hoi te krell lo. Me mukau les buder gar mank peskre menshende te djiwell.

Micha 5:12

Tumare figure, hoi an-mangenn, un tumare pre-tchidde barra dau paash, te mangenn tumer buder gar kowa an, hoi tumare wastentsa kran.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Bičepangre 19:19

Bud durkepangre lan pengre lila un chatchran len glan halauterende. Kol lila his nai pantch-deesh serja (50.000) rupene beme moldo.

Bičepangre 8:9

An ko foro Samaria his ninna i mursh, kowa his i durkepaskro. Leskro lab his Simon. Job penas pestar, te hi lo i baro mursh. Un i menshe an ko foro kran bare jaka pral kowa, hoi job kras.

Galatarja 5:20

Jon mangenn wawar koowa an har o Debles. Jon durkrenna. Jon kurenn pen un tchingrenn pen. Jon silwerenna, un len hi choli ap i wawarende. Jon dikenn ap pende kokres, te djal lenge mishto, un dikenn gar ap i wawarende, te djal lenge ninna mishto. Jon mukenn pengre phralen un djan wawarentsa khetne.

5. Mose 12:31

Ma krenn sau kowa tumaro baro Debleha! Kowa lauter, hoi jon pengre deblenge kran, hi djungelo un tchilatcho glan o baro Debleskre jaka. Ninna pengre mursh tchawen un pengre tchen chatchran le lenge an i jag.

1. Samuel 15:23

Te shuneh tu gar ap leste, leh tu doosh ap tute, har te durkrals tu. Te kreh tu gar, hoi o Dewel tutar kamella, hi kowa jaake tchilatcho, har te mangals khereskre deblen un wawar chochene deblen an. Tu witsral o lab o baro Deblestar ap i rig. Doleske witsras lo tut ninna ap i rig, jaake te wess tu buder kek baro rai.”

1. Samuel 28:3

Un o Samuel meras. Un i tsele Israelitarja wan khetne un rowan pral leste. Un palle paskran le les an peskro foro Rama. Glan kau tsiro tradas o Saul i drawepangren un kolen, kai putchenn i mulen, dran o them win.

1. Samuel 28:7

Kote penas o Saul ap peskre budepangre: “Rodenn mange i djuwel, kai i mulen putchell. Kamau te djap koi, te nai putchap latar!” Un leskre budepangre penan ap leste: “Dik, an o foro En-Dor hi i djuwel, kai i mulen putchell.”

1. Samuel 28:8

Un o Saul kras pes jaake, te prindjrell les kek pale, un riwas wawar koola an, un djas koi pash late. Un job las gomme dui murshen peha. Un jon wan an i rat pash koi djuwjate. Un o Saul penas: “De i mules mange gole, un durke mange, hoi wella! Me penau tuke, kones te less pre!”

1. Samuel 28:9

Koi djuwel penas: “Tu djineh, hoi o Saul kras, te tradas lo i tsele drawepangre un kolen, kai i mulen putchenn, dran o them win. Un hoske kameh tu man dren te tchiwell, te wap mulo dino?”