5. Mose 17:9 - O Debleskro Drom 2021 (Sinte)

⁹ Kote djan pash i rashajende dran o kheer Levi un pash o tchatchepaskro mursheste, kai an kol diwessa koi hi. Un len putchenn! Un jon penenn tumenge, hoi hunte krenn.

O Debleskro Lab 2024 (Sinte-Manouche)

⁹ Kote djan pash i rashayende dran o kheer Levi oun pash o čačepaskro morsheste, kay an kol divessa koy hi. Oun len poučenn! Oun yon penenn t'menge, hoy hounte krenn.

5. Mose 17:9 ပူးပေါင်းရင်းမြစ်များ

1. Familjakro liil 26:29

Dran o kheer Jizhar lan le o Kenanja un leskre mursh tchawe, te wenn jon pralstune un tchatchepangre mursha an Israel.

2. Mose 18:16

Te hi len tchingepen mashkral pende pral i koowa, palle wenn jon pash mande. Un me penau lenge, hoi te krenn le, jaake har o Dewel lendar kamella un lenge penell.”

2. Mose 22:8

Kote, kai dui mursha tchingrenn pen pral i grumni, i burika, i bakro, i ripen, ninna pral wawar koowa, hoi nashedo was, kote hunte wenn kol dui glan o Debleste. Un kones o Dewel i doosh dell, kowa dell ko wawares dui kope jaake bud pale.

Jeremia 18:18

Koi hi menshe, kai penenn: Awenn, te rakras koi pral, hawo tchilatchepen mer nai krah ap o Jeremia. Men hi doha rashaja, kai nai sikrenn men maro drom, un doha gosewe, kai nai penenn menge, hoi te kras, un doha Debleskre rakepangre, kai nai penenn menge o Debleskre laba. Mer tapras les leskre labentsa, un das tchi ap leskro rakepen!

Ezekiel 44:24

Te well i tchingepen glan lende anlo, hi jon i tchatchepangre mursha un hunte penenn o tchatchepen win, un hunte djan pal mire tchatchepaskre laba. Un jon hunte krenn, te wenn mire bare diwessa ap o tchatcho tsiro jaake dren rikedo, har me penom, te well kowa kerdo. Ninna denn le jak, te well o Debleskro diwes dren rikedo.

Haggai 2:11

Kowa penell o baro Dewel, ko rai pral o bolepen un i phub: Putch i rashajen, hoi jon penenn an kau koowa:

Zakarie 3:7

Kowa penell o baro Dewel, ko rai pral o bolepen un i phub: Te djah tu ap mire dromma, un kreh koi budi mishto, hoi dom tute, palle wess o pralstuno pral miro kheer un kol glanstune platse. Un tu nai weh glan mande khetne kolentsa, kai kate tardo hi.

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.

5. Mose 17:10

Un kowa, hoi le tumenge penenn, hunte krenn tumer. Denn jak, te krenn halauter jaake, har jon tumenge sikran.

5. Mose 21:5

Palle stakrenn i rashaja dran o kheer Levi glan. Kolen rodas tumaro baro Dewel win, te krenn le leskri budi, un te rakrenn le leskri bacht win pral i menshende. Un an i tchingepen un pal i marepen rakrenn le o tchatchepen win.

5. Mose 25:1

Te well i tchingepen mashkral mursha pre, un jon glan tchatchepangre murshende stakrenn, un o tchatchepen well win kerdo, palle well pral koleste, kai an o tchatchepen his, glan halauterende win rakedo, te hi job an o tchatchepen. Un pral koleste, koles doosh his, well glan halauterende win rakedo, te hi les doosh.

5. Mose 33:10

Jon sikrenn i Israelitarjen tiro drom, awa, o Jakobeskre tchawen tiro tchatchepen. Sungepaskro koowa anenn le glan tute, un chatchrenn viechen tuke ap tiri chatchepaskri.