5. Mose 17:17 - O Debleskro Drom 2021 (Sinte)

¹⁷ Witar gar hunte lell peske tumaro baro rai bud djuwjen, te well leskro dji gar tele anlo o tchatcho dromestar. Ninna lell lo peske gar bud rup un sonakai khetne.

O Debleskro Lab 2024 (Sinte-Manouche)

¹⁷ Vitar gar hounte lell peske t'maro baro ray boud djouvyen, te vell leskro dji gar tele anlo o čačo dromestar. Ninna lell lo peske gar boud roup oun sonakay khetne.

5. Mose 17:17 ပူးပေါင်းရင်းမြစ်များ

1. Mose 2:24

Doleske mukella i rom peskro dades un peskri dat un djala peskri romjah. Un jon wenna jek.

2. Samuel 12:11

Jaake penell o baro Dewel: ‘Me mukau bibacht pral tute te well, hoi well dran tiri familja. Un kamau tire romjen tutar krik te lell glan tire jaka, un dau len i wawareste, te sowell kowa pash lende mashkral ap o diwes.

2. Samuel 5:13

Har mukas o David o foro Hebron un djiwas an o foro Jerusalem, las lo peske budeder romjen un ninna wawar djuwjen. Un leske wan budeder tchawe un tcha boldo.

1. Rajengro liil 10:21

Un i tsele pipaskre tchare o rajestar Salomo his dran sonakai, un ko tselo koowa an o kheer, hoi kharell Libanoneskro weesh, his dran djudjo sonakai, tchi his dran rup kerdo. Rup his an i diwessa, kai o Salomo o baro rai his, tchi moldo.

1. Rajengro liil 10:27

Un o baro rai kras, te his an o foro Jerusalem jaake bud rup har barra. Un i zedertikre ruka his jaake bud har i diwje faigetikre ruka an o telstuno them.

1. Familjakro liil 14:3

Un o David las peske budeder romja an o foro Jerusalem, Un leske wan budeder tchawe un tcha boldo.

2. Familjakro liil 1:15

Un o baro rai kras, te his an o foro Jerusalem jaake bud rup un sonakai har barra. Un i zedertikre ruka his jaake bud har i diwje faigetikre ruka an o telstuno them.

2. Familjakro liil 11:21

O Rehabeam kamas i Maacha, kolakro dad o Abishalom his, budeder har leskre tsele romjen un wawar djuwjen. Les his 18 (deesh-te-ochta) romjen un 60 (shob-deesh) wawar djuwjen. Un job was o dad 28 (biish-te-ochta) mursh tchawendar un 60 (shob-deesh) tchendar.

Nehemia 13:26

“Djinenn gar”, penom, “te kras o baro rai Salomo sawo koowa un anas doosh ap peste? Un an bud wawar themma, his kek baro rai har job his. Un o Dewel kamas les jaake, te kras lo, te well lo rai pral o tselo them Israel. Ninna les anan peskre romja dran kol wawar themma jaake dur, te anas lo doosh ap peste!

Debleskri gili 62:10

I menshe hi tchi har i ducho. Tikne har bare hi tchi moldo. Te wans le ap i waga tchiddo, wans le lauter khetne lino gar phareder har i ducho.

Gosewe laba 31:3

Ma de tiri soor i djuwjenge! Ma dja ko drom, ap koleste i bare raja nashedo djan.

Maleachi 2:15

Kek krals sau koowa, te wals i tikno kotar fun miro ducho an leste. Job kamals tchawe te lell, kai o Debleske koi hi. Doleske denn jak an tumare djia, te chochell un mukell kek tumendar peskri romjat!

Mateo 13:22

Wawar menshe hi har ko kotar phub, kai o djob tel i subjengre burra peras. Jon shunan ko lab. Palle dikenn le ap i phubjakro koowa un kamenn brawele te well. Un o brawlepen chochell i menshen. Un ko lab, hoi shunan le, well tassedo, un nai rakrell buder gar an lengro dji.

Mateo 19:5

Un job penas: Doleske mukell i mursh peskro dades un peskri dat, te djiwell lo peskri romjah khetne. Un kol dui wenna har jek.

Louka 12:15

Palle penas o Jesus ap kolende, kai trul leste tardo hi: “Denn garda! Ma nashenn bud brawlepen palla! O tselo brawlepen, hoi i mensho khetne anas, krell o mensheskro djipen gar braweles.”

1. Timoteo 6:17

Pen kol brawelenge, te rikrenn jon pen gar bareder har wawar, un te tchiwenn jon pengro patsepen gar ap o brawlepen, hoi gar atchella. Mer tchiwas maro patsepen ap o Debleste, kai dell men lauter djipaske, jaake te nai djiwas bachteles.

1. Timoteo 6:9

Kolla, kai kamenn brawele te well, kolla perenn an o bengeskro wast, un anenn pen an bud dinelo un djungelo koowa. Un kowa anell len an i bibacht un mukell len tele te djal.