5. Mose 17:14 - O Debleskro Drom 2021 (Sinte)

¹⁴ Te wenn tumer an ko them, hoi dell tumen tumaro baro Dewel, un tumer lenn les dren, un djiwenn koi dren, un penenn palle: Mer kamah i rai pral mende, jaake har pash kol menshende an i wawar themma trul mende ninna hi,

O Debleskro Lab 2024 (Sinte-Manouche)

¹⁴ Te venn t'mer an ko them, hoy dell t'men t'maro baro Devel, oun t'mer lenn les dren, oun djivenn koy dren, oun penenn palle: Mer kamah i ray pral mende, yaake har pash kol menshende an i vavar themma troul mende ninna hi,

5. Mose 17:14 ပူးပေါင်းရင်းမြစ်များ

3. Mose 14:34

Te wenn tumer an o them Kanaan, hoi me tumen dau, te well kau them tumenge, un me mukau kote an i kheer i djungelo kotar win te well,

4. Mose 33:53

Un lenn ko them tumenge, un djiwenn kote dren. Kau them dom me tumende, te lenn kowa tumenge.

5. Mose 11:31

Tumer djan tchatchepah pral o Jordan, un wenn an ko them dren, te lenn les tumenge dren. Kau them das tumen tumaro baro Dewel, te lenn les tumenge dren un djiwenn koi.

5. Mose 18:9

Te wenn tumer an o them, hoi tumaro baro Dewel tumen dell, palle krenn gar ko djungelo pale-tchiddo koowa, hoi krenn i menshe, kai kote djiwenn.

5. Mose 26:1

An ko tsiro, kai wal an ko them, hoi tiro baro Dewel tut dell, te well lo tiro, un tu djiweh koi,

5. Mose 26:9

Un job anas men kai un das men kau them, hoi jaake latcho hi te nashell thud un gwin koi.

5. Mose 7:1

Tumaro baro Dewel anell tumen an ko them, hoi tumaro well. Un job tradell bud menshen glan tumende win: I Hetarja un i Girgasharja un i Amorarja un i Kanaanitarja un i Perisarja un i Hiwarja un i Jebusarja. Kolla hi efta natsjone, kai hi bareder un sorleder har tumer.

Josua 1:13

“Ma bistrenn ko lab, hoi penas tumenge o Mose, koles o baro Debleskro tchatcho wast his. Job penas: O baro Dewel, kai tumaro Dewel hi, job kras, te wan khere un das tumen kau them.

Josua 21:43

Un jaake das o baro Dewel i Israelende o tselo them, har das lo pes glan lengre phurende sowel, te krell lo kowa. Un jon lan o them penge dren un djiwan koi.

1. Samuel 10:19

Tumer witsran kau diwes tumaro Debles ap i rig, koles, kai las tumen win dran tumari daar un tumaro pharo djipen. Ap koleste penan: ‘Tchip i baro rajes pral mende!’ Kanna mishto! Awenn glan o baro Debleste! Haki bari familja, hoi well pal jekeste kol deesh-te-dui Jakobeskre tchawendar well tardo peske, un mank lende ninna hako dadeskro kheer.”

1. Samuel 10:25

Un o Samuel penas i menshenge, hawo tchatchepen o baro rajes hi. Un kowa tchinas lo an i liil, un tchiwas les glan o baro Debleste. Palle bitchras lo hakenes khere.

1. Samuel 12:19

Un jon penan ap o Samuel: “Mer ham tire budepangre. Mang menge o baro Debles, kai tiro Dewel hi, jaake te hunte meras mer gar. Ap mende hi bud doosh tchiddo. Un kanna kram ninna ko tchilatcho koowa, te mangam menge i baro rajes pral mende.”

1. Samuel 16:3

Un pen ap o Isai, te well job pash o chapen. Kote sikrau tut, hoi tu hunte kress, te makess koles o djeteha, kones tute sikrau!”

1. Samuel 8:11

“Kowa hi, hoi tumaro baro rai tumentsa krella”, penas o Samuel: “Tumare mursh tchawen lell lo tumendar, te wenn le leskre lurde, kai beshenn ap leskro wurdin un ap leskre graja, un te nashenn le glan leskro wurdin.