5. Mose 16:5 - O Debleskro Drom 2021 (Sinte)

⁵ Tumer nai marenn gar kol viechen o chapaske Passa an tumare gaba un forja, kolen tumaro baro Dewel tumen dell, te djiwenn kote.

O Debleskro Lab 2024 (Sinte-Manouche)

⁵ T'mer nay marenn gar kol firhen o rhapaske Passa an t'mare gaba oun forya, kolen t'maro baro Devel t'men dell, te djivenn kote.

5. Mose 16:5 ပူးပေါင်းရင်းမြစ်များ

Markus 14:12

His jek diwes glan kol diwessa, kai chan i bibolde o maro, kai kek shutlo jarro dren hi. Ap ko diwes marenn le i bakren, te chan le len ap ko baro diwes Passa. Koi penan o Jesuseskre mala ap leste: “Kai djas mer, te kras o chapen tuke?”

5. Mose 16:2

Djan ap koi platsa, hoi tumaro baro Dewel peske win rodell, te well job kote an-mangedo. Un kote marenn leske i viecho, nai well i bakro, i busni oder i grumni, hoi chan pash o chapen, hoi well Passa kharedo.

5. Mose 16:4

Un efta diwessa well kek shutlo jarro pash tumende diklo an tumaro tselo them. Un ko mass ko viechestar, hoi tumer an koi rat maran, hunte chan tumer an koi emligi rat. Tchi te atchell pral ap i tsalla.

5. Mose 16:6

Na-a, ap koi platsa, hoi tumaro baro Dewel peske win rodell, kote marenn kol viechen o chapaske Passa. Krenn kowa ap i rat, te djal o kham tele. Kowa hi ko tsiro, har tumer dran o them Egiptia win djan.