5. Mose 16:2 - O Debleskro Drom 2021 (Sinte)

² Djan ap koi platsa, hoi tumaro baro Dewel peske win rodell, te well job kote an-mangedo. Un kote marenn leske i viecho, nai well i bakro, i busni oder i grumni, hoi chan pash o chapen, hoi well Passa kharedo.

O Debleskro Lab 2024 (Sinte-Manouche)

² Djan ap koy platsa, hoy t'maro baro Devel peske vin rodell, te vell yob kote an-mangedo. Oun kote marenn leske i firho, nay vell i bakro, i bouzni oder i groumni, hoy rhan pash o rhapen, hoy vell Passa kharedo.

5. Mose 16:2 ပူးပေါင်းရင်းမြစ်များ

2. Rajengro liil 23:21

Un o baro rai, o Josia, mukas i menshenge soreles te penell: “Krenn tumaro baro Debleske ko chapen, hoi kharell Passa, jaake har tchinlo hi an ko liil, kai tardo hi, hoi o Dewel peskre menshendar kamella!”

2. Familjakro liil 35:7

Un o Josia das i menshende, kai kote khetne his, peskre bakrendar un busjendar 30.000 (trijanda-serja) te wenn le maredo o chapaske Passa, un koi pashel 3.000 (triin-serja) grumja.

4. Mose 9:2

“I Israelitarja hunte rikrenn o baro diwes, hoi kharella Passa ap o tchatcho tsiro:

Mateo 26:17

O diwes glan ko kurko, kai i bibolde o maro chan, kai kek shutlo jarro dren hi, wan i Jesuseskre mala pash leste, un putchan lestar: “Kai kameh tu, te kras o chapen tuke?”

Mateo 26:2

“Tumer djinenna, an dui diwessa wenn kol bare diwessa, kai Passa kharenna. Un o Menshengro Tchawes well an i wasta kolendar dino, kai les ap o trushel denna, te merell lo.”

Markus 14:12

His jek diwes glan kol diwessa, kai chan i bibolde o maro, kai kek shutlo jarro dren hi. Ap ko diwes marenn le i bakren, te chan le len ap ko baro diwes Passa. Koi penan o Jesuseskre mala ap leste: “Kai djas mer, te kras o chapen tuke?”

Louka 22:15

Un job penas ap lende: “Kawa chapen kamom me o tselo djijestar te chap tumentsa glan ko tsiro, kai me hunte lap bud duka ap mande.

Louka 22:8

Koi bitchras o Jesus o Petres un o Johannes an o foro Jerusalem, un penas: “Djan an ko foro un krenn o chapen menge!”

1. Korintarja 5:7

Tchiwenn ko shutlo jarro tumendar krik, te wenn tumer har i newo maro, kai kek shutlo jarro dren hi! Un tchatchepah tumer han har i newo maro! O Jesus Kristo was menge maredo, te lell lo mari doosh mendar krik, jaake har i bibolde maran i bakro ap pengro baro diwes, kai Passa kharella.

5. Mose 12:11

Palle hi wawartchandes har kanna: Palle anenn kowa, hoi denn o baro Debleste, ap koi platsa, hoi job peske win rodas, te well lo kote an-mangedo. Kote anenn lauter, hoi me tumenge penau: kol viechen, hoi kamenn leske te marell, sawe, hoi wenn leske tseles chatchedo un sawe, hoi chan khetne. Kote anenn ninna o deshto kotar kolestar, hoi dren anan, un ko wawar koowa, hoi glan tchinlo hi, un kowa hoi denna jaake har tumen sowel dan.

5. Mose 12:14

Kokres ap koi platsa, hoi o baro Dewel win rodell an tumaro them, kote anenn kol viechen, hoi kamenn leske te chatchrell, un kote krenn halauter, hoi me tumenge penau.

5. Mose 12:18

Kowa well anlo glan tumaro baro Debleste ap koi platsa, hoi job peske win rodell. Kote chan tumer les, tumer un tumare tchawe un tcha, un tumare budepangre, mursha har djuwja, un i Levitarja, kai pash tumende djiwenn. Awenn bachtelo glan tumaro Debleste pral halauter, hoi tumare wastentsa khetne lan.

5. Mose 12:26

Ko wawar koowa, hoi glan tchinlo hi, hoi hunte denn o Debleste, ninna koleske sowel dan, te denn les leste, kowa anenn ap koi platsa, hoi o baro Dewel peske win rodell.

5. Mose 12:5

Mangenn o baro Debles ap i platsa an, hoi job peske win rodell mashkral an o them Israel, te djiwell lo kote. Kote djan, te mangenn les an.

5. Mose 15:20

Glan tiro baro Debleste chas len tu un tiro tselo kheer hako bersh ap koi platsa, hoi o baro Dewel peske win rodell.

5. Mose 16:1

Denn jak, te bistrenn gar kol bare diwessa, kai kharenn Passa! Rikrenn len an o tchon Abib, te sharenn tumaro baro Debles! O tchon Abib his, kai anas lo tumen rati dran o them Egiptia win.

5. Mose 16:3

Te chan tumer ko chapen, ma chan maro koi pashel, kai shutlo jarro dren hi. Har djan tumenge dran o them Egiptia win, hunte chan efta diwessa maro, an koleste kek shutlo jarro dren his, jaake sik hunte nashenn tumenge. Kanna chan ninna efta diwessa maro, kai kek shutlo jarro dren hi, te bistrenn gar ko diwes, kai djan dran o them Egiptia win, kai anan le jaake bud duka ap tumende. Doleske kharah mer kau maro ‘dukengro maro’.