5. Mose 16:18 - O Debleskro Drom 2021 (Sinte)

¹⁸ Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.

O Debleskro Lab 2024 (Sinte-Manouche)

¹⁸ Čivenn čačepangre morshen oun vavar pralstunen dren an t'mare forya, hoy t'men t'maro baro Devel della! Yaake te hi an hako them kol deesh-te-douy bare familyendar čačepangre, kay rakrenn o čačepen yaake vin pral pengre menshende, te lell hakeno peskro čačepen.

5. Mose 16:18 ပူးပေါင်းရင်းမြစ်များ

1. Familjakro liil 23:4

Un kolendar las o David 24.000 (biish-te-star serja) mursha, te budrenn le ap o kheer o baro Debleske, un 6.000 (shob serja) mursha, te wenn le pralstune un tchatchepangre mursha.

1. Familjakro liil 26:29

Dran o kheer Jizhar lan le o Kenanja un leskre mursh tchawe, te wenn jon pralstune un tchatchepangre mursha an Israel.

Esra 7:25

Un tu Esra, tchip o goswepah, hoi tiro Dewel tut dell, tchatchepangren un rakepangren an i budi dren, te rakrenn le o tchatchepen win i tsele menshenge, kai wergel o panjestar Eufrat djiwenna, halauterenge, kai i laba tiro Deblestar prindjrenn. Un koon kal laba gar prindjrell, koleske sikrenn, hoi tumaro Dewel lestar kamell!

2. Mose 18:21

Tu, rode tuke dran i tsele menshende tchatche murshen win, hoi ap o Debleste shunenna, sawe mursha, hoi pengro lab rikrenna, un kekes i lowenge chochenna! Un kolen tchip pral i Israelitarja! Kre pralstunen lendar pral i serja, wawaren pral i sheel, un pale pral i paash-sheel un pral deesh.

2. Mose 21:22

Te tchingrenn pen dui mursha, un i romni, hoi an wawar koowa hi, lell i dap, jaake te nashrell li peskro ternepen, un joi well pale sasto, palle hunte plaissrell kowa, hoi das lat koi dap, lowe. Glan i tchatchepangre hunte plaissrell lo jaake bud lowe, har lakro rom mangella.

2. Mose 21:6

Palle lell les leskro rai un anell les glan o Debleste, un tchiwell les glan o wudar tardo, un dell i kashteni sub an leskro kand tchurje. Kowa sikrell, te atchell lo peskro tselo djipen leskro budepaskro.

Gosewe laba 31:23

Lakro rom hi an-diklo an o foro, te rakrell lo pes tele i phurentsa.

Mateo 5:21

Tumer djinenna, te was ap i phurende penlo: Ma mare kekes! Koon jekes marella, kowa hunte well glan o tchatchepaskro anlo, un lell peskri phagi.

Mateo 5:22

Me penau tumenge: Koon ap peskro phraleste chojedo hi, kowa hunte well glan o tchatchepaskro anlo. Un koon peskro phrales praassella, kowa hunte well glan i pralstune tchatchepangre anlo. Un koon penella: Dja tuke pash o bengeste! kowa wella an o bengeskri jag witsedo.

5. Mose 16:17

Hakeno della pal kowa, hoi leskro wast nai pre anella, jaake har tumaro baro Dewel leste peskri bacht das.

5. Mose 16:19

Te hal tu i tchatchepaskro, hunte dess tu koles peskro tchatchepen, koon an o tchatchepen hi. Tu dikess gar koi pre, koon glan tute tardo hi. Te dell jek tut kutch koowa, te dess tu les tchatchepen, ma le kowa an! Koon sawo shukar kutch koowa an-lell, well korelo o tchatchepaske, un dikell buder gar, koon an o tchatchepen hi.

5. Mose 17:12

Te hi jek koi, kai hi jaake pre-phurdo, te shunell lo gar ap o rashajeste, kai krell i budi o baro Debleske, oder ap o tchatchepaskro mursheste, palle hunte well ko mursh maredo. Tumer hunte lenn o tchilatchepen dran Israel win.

5. Mose 17:9

Kote djan pash i rashajende dran o kheer Levi un pash o tchatchepaskro mursheste, kai an kol diwessa koi hi. Un len putchenn! Un jon penenn tumenge, hoi hunte krenn.

5. Mose 21:2

palle djan i phureder un i tchatchepangre mursha win pash koi platsa, kai lo tchiddo hi, un dikenn palla, har dur hi bis pash kol forja, hoi kote tchiddo hi.

5. Mose 25:1

Te well i tchingepen mashkral mursha pre, un jon glan tchatchepangre murshende stakrenn, un o tchatchepen well win kerdo, palle well pral koleste, kai an o tchatchepen his, glan halauterende win rakedo, te hi job an o tchatchepen. Un pral koleste, koles doosh his, well glan halauterende win rakedo, te hi les doosh.

1. Samuel 8:1

Un har o Samuel phuro was, tchiwas job peskre mursh tchawen an pengri budi dren, te wenn le tchatchepangre raja pral o Israel.