5. Mose 16:17 - O Debleskro Drom 2021 (Sinte)

¹⁷ Hakeno della pal kowa, hoi leskro wast nai pre anella, jaake har tumaro baro Dewel leste peskri bacht das.

O Debleskro Lab 2024 (Sinte-Manouche)

¹⁷ Hakeno della pal kova, hoy leskro vast nay pre anella, yaake har t'maro baro Devel leste peskri barht das.

5. Mose 16:17 ပူးပေါင်းရင်းမြစ်များ

1. Familjakro liil 29:14

Me hom tchi, un mire menshe hi tchi. Mendar nai dah tut gar sawo bud koowa! Lauter, hoi men hi, well tutar. Ninna kau koowa, hoi dam tute, lam tutar.

Esra 2:63

Un ko moskro penas lenge, te nai chan le gar o chapen, hoi kokres i rashajenge his, jaake rah bis te i rashai was un win hatsas, hoi i barra Momeli un Tchatchepen pral kau koowa penan.

Ezekiel 46:7

Koi pashel anell lo 12 (deesh-te-dui) kilogramme jarro ko gurumeske un 12 (deesh-te-dui) kilogramme jarro ko murshkano bakreske, un jaake bud jarro, har kamell lo, i terne bakrenge. Un jek khoro djet pash hake 12 (deesh-te-dui) kilogramme jarro.

3. Mose 27:8

Te hi kowa, kai pes sowel das, jaake tchorwelo, te nai anell leskro wast kowa gar khetne, palle anell lo ko menshes pash o rashajeste. Un ko rashai dikell peske koles an, un penell har bud lowe leske plaissedo hunte wenn, pal kowa hoi kowa nai dell, kai pes sowel das.

2. Korintarja 8:12

Te dell jek o djijestar jaake bud har nai dell lo, dikell o Dewel latches ap leste. Job kamell gar, te dell lo budeder, har les hi.

5. Mose 16:10

awenn khetne glan tumaro baro Debleste, ap koi platsa, kai job peske win rodell, te well lo kote an-mangedo. Anenn leske kolestar, hoi dren anan, kowa, hoi kamenn tumendar win dran tumaro wast te dell, jaake har tumaro baro Dewel tumende peskri bacht das. Un awenn bachteles glan leste, tumer un tumare tchawe, un tumare budepangre un i Levitarja un i wi-themarja, kai pash tumende djiwenn, ninna kol tchawe kek dadeha un kol djuwjen kolengro rom meras.

5. Mose 16:16

Triin kope an o bersh hunte wenn tumare tsele mursha glan tumaro baro Debleste ap koi platsa, hoi job peske win rodell: ap kol bare diwessa, kai chan kek maro dran shutlo jarro, un ap ko baro diwes, kai anenn o baro Debleske o newo djobestar, hoi tumer dren anan, un ap kol diwessa, kai djiwenn an patjengre khera. Un kek well, koles tchi pash peste hi, hoi job o baro Debleske anella.

5. Mose 16:18

Tchiwenn tchatchepangre murshen un wawar pralstunen dren an tumare forja, hoi tumen tumaro baro Dewel della! Jaake te hi an hako them kol deesh-te-dui bare familjendar tchatchepangre, kai rakrenn o tchatchepen jaake win pral pengre menshende, te lell hakeno peskro tchatchepen.