5. Mose 16:1 - O Debleskro Drom 2021 (Sinte)

¹ Denn jak, te bistrenn gar kol bare diwessa, kai kharenn Passa! Rikrenn len an o tchon Abib, te sharenn tumaro baro Debles! O tchon Abib his, kai anas lo tumen rati dran o them Egiptia win.

O Debleskro Lab 2024 (Sinte-Manouche)

¹ Denn yak, te bistrenn gar kol bare divessa, kay kharenn Passa! Rikrenn len an o čon Abib, te sharenn t'maro baro Debles! O čon Abib his, kay anas lo t'men rati dran o them Egiptia vin.

5. Mose 16:1 ပူးပေါင်းရင်းမြစ်များ

2. Mose 12:51

Un ap kau diwes anas o baro Dewel i tsele Israeleskre familjen win dran o them Egiptia, jek familja pal i wawar.

2. Mose 13:3

Un o Mose penas ap i tsele menshende: “Kau diwes an o tchon Abib djan tumer win dran o them Egiptia. Kote, kai tumer pandle budepangre hans, las tumen o baro Dewel peskro sorelo wasteha win. Rikrenn kau diwes an tumare shere! Un chan kek shutlo maro!

2. Mose 23:14

Triin kope an o bersh rikress tu mange bare diwessa dren:

2. Mose 23:15

kol bare diwessa, kai chah tu efta diwessa ko maro, an koleste kek shutlo jarro dren hi. Kol diwessa rikress tu an o tchon Abib. Kowa kress tu, te bistress gar, te nashal an ko tchon dran o them Egiptia. Un ab gar an o Debleskro kheer, te hi tchi an tiro wast, hoi tu leske aneh!

2. Mose 34:18

Ma bistrenn kol bare diwessa, kai chan kek maro dran shutlo jarro. An o tchon Abib chan efta diwessa kek maro dran shutlo jarro jaake har me tumenge penom! An ko tchon djan tumer win dran o them Egiptia.

3. Mose 23:5

Ap o 14. (deesh-te-starto) diwes an o ersto tchon, har o kham tele djas, well ko diwes, hoi hi o baro Debleske. Kau diwes kharell Passa.

4. Mose 28:16

Ap o deesh-te-starto diwes an o ersto tchon hi ko diwes, hoi hi o baro Debleske, un hoi kharell Passa.

Louka 2:41

Hako bersh, har wan kol bare diwessa, kai kharenna Passa, djan i Maria un o Josef an o foro Jerusalem. Un har o Jesus deesh-te-dui bersha phuro his, lan jon les peha.

Johanni 2:13

Glan kol biboldengre bare diwessa, kai kharenna Passa, djas o Jesus an o foro Jerusalem.

Johanni 5:1

Pal kowa his i baro Debleskro diwes i biboldenge. Un o Jesus djas an o foro Jerusalem.

Johanni 6:4

His i tikno tsiro glan i biboldengre bare diwessa, kai kharenna Passa.

5. Mose 16:2

Djan ap koi platsa, hoi tumaro baro Dewel peske win rodell, te well job kote an-mangedo. Un kote marenn leske i viecho, nai well i bakro, i busni oder i grumni, hoi chan pash o chapen, hoi well Passa kharedo.