5. Mose 15:7 - O Debleskro Drom 2021 (Sinte)

⁷ Te hi i tchorwelo pash tute, kote an ko foro, kai djiweh an ko them, hoi tumaro baro Dewel tumen das, palle ma kre tiro dji pandles, kre tire wasta pre glan leste!

O Debleskro Lab 2024 (Sinte-Manouche)

⁷ Te hi i čorvelo pash toute, kote an ko foro, kay djiveh an ko them, hoy t'maro baro Devel t'men das, palle ma kre tiro dji pandles, kre tire vasta pre glan leste!

5. Mose 15:7 ပူးပေါင်းရင်းမြစ်များ

Nehemia 5:1

Un pal i tsiro was i bari gole pre, un i mursha un lengre romja tchingran pral i brawelende mank lengre biboldengre phralende.

Ester 9:19

Doleske hi o 14. (deesh-te-starto) diwes an o tchon Adar i baro diwes kol biboldenge, kai djiwenn win ap o them un an i gaba. Un jon chan un pijenn un denn jek o wawareste latcho chapen.

Ester 9:22

te bistrenn le gar, kai an kol diwessa i bibolde win lino wan dran i tchilatche wasta, un kai kawa o tchon hi, kai was bacht dran lengre duka, un sapen dran lengro ropen. Doleske hunte rikrenn le kol diwessa bares, un wenn khetne, chan un pijenn un hi bachtelo. Un jek te dell o wawareste latcho chapen. Un ninna i tchorwele hunte wenn gar bistedo un hunte lenn tchomone.

2. Mose 22:25

Te hi jek tire menshendar tuke lowe sijaan, un tu leh leskri baja ko tsireske, kai job tuke lowe sijaan hi, palle dik, te dess leste peskri baja pale glan ko tsiro, kai o kham tele djal.

Gosewe laba 19:17

Kowa, kai peskro dji pre krell un i tchorweles dell, kowa hi har jek, kai patsals o baro Debleske. Un o baro Dewel dell les ko latchepen pale, hoi lo kras.

Gosewe laba 21:13

Kowa, kai jaake krell, har te shunell lo gar koi gole ko tchorwelestar, leske djala jaake, kai dell job ninna gole un kek shunell les.

Jesaja 58:10

Tu dess tiro maro koles, kai bokell, un dess koles, kai les gar doha djipaske hi, lauter, hoi les hunte well. Palle djal tuke o kham pre an o kalepen, kai tu djiweh. Un tiri rati well har o mashkral-diwes.

3. Mose 25:35

Te well tiro phraal tchorwelo, un nai rikrell gar, hoi leskro hi, palle wess ap leskri rig. Muk les pash tute te djiwell, har te wals lo i wi-themari oder jek, kai i tsiro pash tute budrell.

Mateo 18:30

Ko wawar mursh kamas tchi te shunell, un witsras les an o stilepen, te atchell job kote jaake rah, har job gar koi sijaan pale plaissras.

Mateo 5:42

Te mangell jek tutar tchomone, palle de les kowa! Ma bitche koles tutar, kai kamell tutar lowe te patsell!

5. Mose 15:11

Hako tsiro hi tchorwele an o them. Doleske penau me tumenge: Krenn tumare wasta pre tumare phralenge, kolen gar doha djipaske hi!

5. Mose 15:9

De tut jak, te well tuke gar an o dji, te dess les tchi doleske, kai ko eftato bersh gar buder dur hi. Ma pen tuke: ‘Palle hunte mukap leske koi tseli sijaan.’ Un jaake dikeh tchilatches ap leste un deh leste tchi. Un job dell gole ap o baro Debleste pral tute. Un ap tute well i doosh!

5. Mose 24:14

Te budrell tuke i tchorwelo Israelitari, ninna i wi-themari, kai djiwell an tiro foro un tiro them, hunte rikress gar leskro plaissepen pale, hoi jek diweske hi.