5. Mose 15:4 - O Debleskro Drom 2021 (Sinte)

^4-5 Te shunenn tumer ap tumaro baro Debleste un djiwenn pal kol tsele laba, hoi me tumenge kau diwes penau, palle well kek tchorwelo mank tumende. Tumaro baro Dewel tchiwell peskri bacht ap tumende an ko them, hoi job tumen dell.

O Debleskro Lab 2024 (Sinte-Manouche)

^4-5 Te shounenn t'mer ap t'maro baro Debleste oun djivenn pal kol tsele laba, hoy me t'menge kava dives penau, palle vell kek čorvelo mank t'mende. T'maro baro Devel čivell peskri barht ap t'mende an ko them, hoy yob t'men dell.

5. Mose 15:4 ပူးပေါင်းရင်းမြစ်များ

Gosewe laba 14:21

Kowa kai ap o wawareste tele dikell, anell doosh ap peste. Bachtelo well kowa, koles i dji i tchorwelenge hi.

Gosewe laba 28:27

Kowa, kai dell i tchorweleste, koles well doha djipaske. Kowa, kai jaake krell, har te dikell lo o tchorweles gar, pral koleste rakrenn bud i bibacht win.

5. Mose 14:29

Palle nai wenn i Levitarja, kolen kek phub hi, kai an tiro foro djiwenn, ninna i wi-themarja, i tchawe, kolen kek dad buder hi, un i djuwja, kolengro rom meras, un jon te chan un wenn tchales. Te krenn tumer jaake, tchiwell tumaro baro Dewel peskri bacht ap halauter, hoi krenna.

5. Mose 28:11

Un o baro Dewel krell, te well tumen bud latchepen, budeder har doha. Job dell tumen bud tchawe un bud vieche. Bud djob un wawar koowa well baro ap tumari phub an ko them, kai o baro Dewel pes glan tumare phurende sowel das, te dell lo les tumende.

5. Mose 3:18

An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

5. Mose 4:21

Un dran kowa, hoi tumer kran, was o baro Dewel ninna chojedo ap mande, un das pes sowel, te djap me gar wergel o lengsto pani Jordan, un te wap gar an ko latcho them, hoi dell tumen tumaro baro Dewel, te well les tumenge.