5. Mose 15:10 - O Debleskro Drom 2021 (Sinte)

¹⁰ De leste o djijestar! Ma ab bokelo! Palle dell tut tiro baro Dewel bacht an halauter, hoi kreh un tiro wast an taprell.

O Debleskro Lab 2024 (Sinte-Manouche)

¹⁰ De leste o djiyestar! Ma ab bokelo! Palle dell tout tiro baro Devel barht an halauter, hoy kreh oun tiro vast an taprell.

5. Mose 15:10 ပူးပေါင်းရင်းမြစ်များ

Gosewe laba 22:9

Kowa, kai latches ap i wawarende dikell, dell peskro maro i tchorweleste. Ap leste well bacht wi-rakedo.

Sikepaskro 11:1

Witse tiro maro ap o pani; un tu hatseh les pale pal bud diwessa.

Jesaja 32:8

Ko pralstuno, kai hi an o tchatchepen tardo, lell peske tchatcho koowa glan. un mukell gar tele, te krell lo kowa ninna.

Jesaja 58:10

Tu dess tiro maro koles, kai bokell, un dess koles, kai les gar doha djipaske hi, lauter, hoi les hunte well. Palle djal tuke o kham pre an o kalepen, kai tu djiweh. Un tiri rati well har o mashkral-diwes.

Mateo 25:40

Un o baro rai penell lenge: Tchatchepah, me penau tumenge: Ko latchepen, hoi tumer jekeske mire tchorwele phralendar kran, ko latchepen kran tumer mange.

Bičepangre 20:35

Jaake sikrom tumende, kai hunte budras, te nai dah ninna i tchorwelende tchomone. Ma bistrenn kol laba, hoi o rai Jesus penas: Kowa, kai della, hi bachtleder har kowa, kai lella.”

Remarja 12:8

Pale wawar haiwenn i patslen an o dji te rakrell, te krenn le len soreles an lengro patsepen. Kolla hunte krenn kowa. Pale wawar denn i tchorwelende tchomone. Koon kowa krella, hunte krell les dran i latcho dji. Kote, kai i patsle khetne wenna, hi ninna pralstune pral lende. Kolla hunte krenn pengri budi o tselo djijestar. Wawar patsle rikrenn pen ap i rig kolendar, kai djal lenge gar mishto. Koon kowa krella, hunte krell les i bachtelo djijeha.

5. Mose 14:19

Un i tsele tikne vieche, hoi pral i phub djan, hoi len tchirklengre mussja hi, wenn tumenge pale-tchiddo. Tumer chan len gar!

5. Mose 14:29

Palle nai wenn i Levitarja, kolen kek phub hi, kai an tiro foro djiwenn, ninna i wi-themarja, i tchawe, kolen kek dad buder hi, un i djuwja, kolengro rom meras, un jon te chan un wenn tchales. Te krenn tumer jaake, tchiwell tumaro baro Dewel peskri bacht ap halauter, hoi krenna.

5. Mose 15:18

Te hunte mukess i budepaskres te djal, muk kowa tuke gar phares te well an tire jaka. Job budras tuke shob bersha jaake bud har dui budepangre, kolen hako diwes hunte plaissress. Palle dell tut tiro baro Dewel bacht an halauter, hoi tu kreh.

5. Mose 15:4

Te shunenn tumer ap tumaro baro Debleste un djiwenn pal kol tsele laba, hoi me tumenge kau diwes penau, palle well kek tchorwelo mank tumende. Tumaro baro Dewel tchiwell peskri bacht ap tumende an ko them, hoi job tumen dell.

5. Mose 23:20

Te patsal lowe tiro phrales, less tu kek lowe budeder ap kol lowe, hoi tu les patsal, witar gar pash chapen un wawar koowa, hoi jek nai patsell. Tu less kowa pale, hoi tu les dal, un gar budeder.

5. Mose 24:19

Te bistral i pandepen newo djob ap tiro hachetikri phub an ko tsiro, kai aneh tiro djob dren, palle djas tu gar pale, te aness les. Muk les kolenge, kai dran i wawar them pash tumende djiwenn, ninna kol tchawenge, kolengro dad meras, un kol djuwjenge, kolengro rom meras. Koleske dell tut tiro baro Dewel bacht an halauter, hoi tire wasta an-taprenn.

5. Mose 28:8

Tumaro baro Dewel bitchrell tumenge peskri bacht ap tumaro djob, te well tumen bud kolestar an tumare djobengre khera, un ap halauter, hoi tumer krenna. Un job dell tumen peskri bacht an ko them, hoi lo tumende dell.

Hebrearja 13:16

Ma bistrenn te krenn o latchepen! Denn i wawaren tchomone, te well len ninna tchomone! Kowa, hoi tumer i menshenge krenna, hi har te krans tumer les o Debleske. Un job dikell latches ap kowa.

1. Petro 4:11

Das tut o Dewel gole, te rakress o Debleskro lab, palle rake o Debleskro lab! Das tut o Dewel i soor, te budress i patslenge, palle kre kowa an o Debleskri soor! Jaake sharah mer o Debles an halauter, hoi o Jesus Kristo men das. Les hi o railepen un i soor kanna un hako tsiro. Amen!