5. Mose 14:21 - O Debleskro Drom 2021 (Sinte)

²¹ Tumer hunte chan kek mass i viechestar, hoi mules trujel tchiddo hi. I wi-themares, kai djiwell an tumaro foro, koles nai denn les, te chal job les. Ninna nai bikrenn les ap jekeste dran o wi-them. Tumer han menshe, kai hi o baro Debleske koi, kai tumaro Dewel hi. Tu keress gar i busjakro ternepen an o thud leskri datar.

O Debleskro Lab 2024 (Sinte-Manouche)

²¹ T'mer hounte rhan kek mass i firhestar, hoy moules trouyel čiddo hi. I vi-themares, kay djivell an t'maro foro, koles nay denn les, te rhal yob les. Ninna nay bikrenn les ap yekeste dran o vi-them. T'mer han menshe, kay hi o baro Debleske koy, kay t'maro Devel hi. Tou keress gar i bouzyakro ternepen an o thoud leskri datar.

5. Mose 14:21 ပူးပေါင်းရင်းမြစ်များ

2. Mose 19:6

un han wi-rodedo, te wenn bare raja un rashaja, kai hi mange koi.’ Kal laba peness tu ap i tsele Israelitarja.”

2. Mose 22:30

Tumer han mire wi-rodede menshe. Doleske ma chan o mass kol viechendar, hoi wan mulo dandedo diwje viechendar. Denn ko mulo vieches tumare djuklen!

2. Mose 23:19

Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

2. Mose 34:26

Hako bersh anenn o feteder halauterestar, hoi ap tumari phub bares was, an o Debleskro kheer! Job hi tumaro baro Dewel. Kerenn gar i terni busni an o thud lakro datar!

Ezekiel 4:14

Kote penom me: Ach miro rai, baro Dewel! An kek tsiro wom me pale-tchiddo. Fun tiknes pre bis kau diwes, chom gar viechen, kai meran, witar gar sawen, kai khetne dandedo wan. Kek mass, hoi pale-tchiddo hi, was an miro mui.

Ezekiel 44:31

Kek tchirklen un wawar viechen, hoi meran oder mulo dandedo wan, te chan i rashaja.

Daniel 12:7

Un me shunom ko murshes, kai an laintikre koola rido his, un pral ko lengsto pani tardo his. Un kowa hadas peskro tchatcho un peskro serwo wast pre ap o bolepen, un das pes sowel pash koleste, koleskro djipen gar pre herella, un penas: “Jek tsiro un dui tsirja un i paash tsiro. Un ap ko tsiro, kai o Debleskre menshe pale khetne djiwenna, un buder gar kate te kote tradedo hi, palle hi kowa lauter kerdo.”

Daniel 8:24

Un les well bud penepaske, ninna te well leskri soor gar dran leste. Un job anell sawi bari bibacht, te nai patsenn le les gar. Lauter, hoi lell lo an o wast, djal leske mishto. Ninna i sorelen dell lo mulo. Un o Debleskre menshen taprell lo an.

3. Mose 11:40

Koon sawo viechestar chal, kowa hunte thowell peskre koola, un well pale-tchiddo bis te well rati. Koon ko mulo viecho hidjrell, kowa hunte thowell peskre koola, un well pale-tchiddo bis te well rati.

3. Mose 17:15

Hakeno, kai chal i viecho, hoi meras oder mulo dandedo was, kowa hunte thowell pes un peskre koola, un atchell pale-tchiddo, bis te well rati. Koi pal hi lo pale erligo. Hi jek, te hi kowa i Israelitari oder i wi-themari.

3. Mose 22:8

I mulo un khetne dandedo vieches chal lo gar, te krell lo pes koleha gar pale-tchiddo. Me hom o baro Dewel.

Bičepangre 15:20

Mer tchinah lenge i liil, un penah lenge, te chan le kek mass, hoi was glan i figura anlo, hoi i menshe an-mangenn, har te wals li o Dewel; te sowenn i mursha gar wawar djuwjentsa, witar gar i djuwja wawar murshentsa; te chan le kek mass i viechendar, kai o rat gar win nashas, te pijenn le lendar witar kek rat.

Remarja 12:2

I menshe ap kai phub djiwenn pal pengro shero. Ma djiwenn jaake har jon! Mukenn tumen o Deblestar newes te krell, te haiwenn tumer, hoi job kamella: kowa, hoi hi latcho un mishto un tchatcho.

5. Mose 14:2

Tumer han o baro Debleskre menshe. Job hi tumaro Dewel. Tumen rodas lo win dran i tsele themma ap i phub, te wenn i natsjona, hoi leske hi.

5. Mose 14:20

I tsele tchirkle, hoi gar pale-tchiddo hi, nai chan tumer.

5. Mose 7:6

Tumer han menshe, kai hi o baro Debleske kokres koi. Tumen rodas lo win dran i menshen an i tsele themma, kai ap i phub hi, te wenn tumer leskre menshe.

1. Petro 1:16

An o Debleskro lab hi tchinlo, kai o Dewel penella: An mande hi kek tchilatchepen. Doleske hunte well kek tchilatchepen an tumende.