5. Mose 13:2 - O Debleskro Drom 2021 (Sinte)

² Te stell mashkral tumende i rakepaskro pre, kai penell, te hi les i lab o Deblestar, oder i wawar, koles sunja hi, un job penell i debleskro sikepen oder i baro koowa glan-wi,

O Debleskro Lab 2024 (Sinte-Manouche)

² Te stell mashkral t'mende i rakepaskro pre, kay penell, te hi les i lab o Deblestar, oder i vavar, koles sounya hi, oun yob penell i debleskro sikepen oder i baro koova glan-vi,

5. Mose 13:2 ပူးပေါင်းရင်းမြစ်များ

1. Rajengro liil 13:3

Palle penas o Debleskro mursh: “Kawa hi ko sikepen, hoi sikrell tumende, te rakras o baro Dewel dran miro mui: Kai chatchepaskri phagell an kotja, un koi jagakri tchik koi pre, perell ap i phub.”

2. Mose 22:19

Kowa, hoi dell i wawar debleske i viecho temerl, un gar o baro Debleske, kowa well infam.

2. Mose 7:22

Un i durkepangre an o them Egiptia kran ninna jaake an pengri soor. Un o Faraeskro dji atchas pale pandlo, un job shunas gar ap lende. Jaake was, hoi o baro Dewel penas.

Jeremia 23:32

Me kurau man kolentsa, kai chochene sunja rakrenna, un anenn mire menshen o tchatcho dromestar tele lengro chochepah un dinelo rakepah. Me bitchrom len gar, un dom len kek lab, te penenn le kowa dureder. Jon molenn tchi mire menshenge, penell o baro Dewel.

Jeremia 27:9

Ma shunenn ap tumare chochene rakepangre un ap i durkepangre, witar gar ap kolende, kai sikrenn, hoi sunja penenn, witar gar ap kolende, kai krenn bengeskro koowa un kai putchenn i mulen. Kolla lauter penenn tumenge, te hunte krenn gar, hoi o baro rai pral Babilonia tumendar kamell.

Jeremia 28:9

I rakepaskro, kai penell bacht glan-wi, kolestar djinenn le gar, hi lo bitchedo o baro Deblestar oder gar. Kowa well diklo, te well kowa tchatcho, hoi lo glan-wi penas.”

Zakarie 10:2

Ma putchenn i khereskre deblen! Kowa, hoi jon rakrenn, hi dinelo koowa. Ma djan pash i durkepangre! Kowa, hoi jon glan-wi penenna, hi chochepen. Lengre sunja hi tchi moldo. Lengre latche laba hi gar tchatcho. Doleske nashrenn pen i menshe har bakre, kolen kek bakrengro hi, un kai merenna.

Mateo 24:24

Bud chochene mursha penenn ap tumende: Me hom ko baro rai, kolestar o Dewel penas, te well job. Un chochene rakepangre penenna: Me hom o Debleskro bitchedo. Un jon krenna baro un sorelo koowa, hoi i mensho nashte krell gar dran peskri soor. Kowa krenn le, te anenn le i menshen o tchatcho dromestar tele. Te djals kowa, anans le ninna kolen o Debleskro dromestar tele, kolen o Dewel peske win rodas.

5. Mose 13:13

Te shunenn i forestar, hoi tumaro baro Dewel tumen das, te djiwenn koi dren,

5. Mose 13:6

Un ko rakepaskro, ninna kowa, koles kol sunja hi, job hunte well maredo. Job kamas tumen tumaro baro Deblestar krik te anell, kolestar, kai anas tumen win dran o them Egiptia un las tumen win dran o pandepen. Ko mensho kamas te djan tumer tele o dromestar, hoi tumaro baro Dewel penas, te hunte djan ap leste. Un tumer hunte witsrenn win o tchilatchepen, hoi mashkral tumende hi.

5. Mose 18:20

Te phurdell pes i Debleskro rakepaskro pre, un penell i rakepen an miro lab, hoi me leske gar penom, te hunte rakrell lo, sawo rakepaskro hunte merell. Ninna te rakrell job an o lab i wawar deblestar, hunte merell lo.

5. Mose 18:22

Djinenn: Te rakrell ko Debleskro rakepaskro an o lab o baro Deblestar, un kowa hoi job rakras well gar tchatcho, jaake his ko lab hoi job rakras gar o baro Deblestar. Ko rakepaskro kamas pes peskro rakepah bares te krell. Tu daress gar lestar!