5. Mose 13:16 - O Debleskro Drom 2021 (Sinte)

¹⁶ palle denn kol menshen an ko foro o chareha mulo. Lauter hunte wenn mulo dino, ninna lengre vieche.

O Debleskro Lab 2024 (Sinte-Manouche)

¹⁶ palle denn kol menshen an ko foro o rhareha moulo. Lauter hounte venn moulo dino, ninna lengre firhe.

5. Mose 13:16 ပူးပေါင်းရင်းမြစ်များ

2. Mose 22:19

Kowa, hoi dell i wawar debleske i viecho temerl, un gar o baro Debleske, kowa well infam.

Jesaja 17:1

Kate sikrell o Dewel, hoi pral o foro Damaskus wella: I tsiro well sik, kai o foro Damaskus buder kek foro hi. Lestar atchell tchi har tele phagede barra.

Jesaja 25:2

Tu kral o sorelo foro paash. Lestar atchas tchi pral har barra. Ko foro, kai i soreli massuri trul leste his, hi tchiddo an kotja. Kote, kai rajen dran wawar themma pengre shukar khera his, hi kek foro buder. Un kek nai tchiwell len pale pre.

Jeremia 49:2

Doleske penell o baro Dewel: Ko tsiro well, kai mukau i kurepaskri gole te shunell: Lurde wenna pral o foro Rabba, ko baro foro fun i Ammonarja. O forestar Rabba atchell tchi pral har barra. Un kol wawar forja koi trujel wenn pre chatchedo. O Israel well o rai pral kolende, kai lan penge leskro them. Kowa penell o baro Dewel.

Ezekiel 26:14

Me krau, te wess i nango baro bar, ap koleste i matchengre pengre gone win tchiwenn. Un tu wess buder gar newes kerdo. Kawa penom me, o baro Dewel, tumaro rai.

Micha 1:6

Doleske krell o baro Dewel, te well o foro Samaria khetne dino bis ap i telstune barra. Lestar atchell tchi pral har barra. Kolen witsrell lo an i tala. Kote kai o foro tardo his, wenn drakengre ruka an i phub tchiddo.

5. Mose 7:25

Chatchrenn i figure lengre deblendar! Ko rup un ko sonakai, hoi ap lende hi, lenn gar tele tumenge, te wenn tumare djia gar pandles ap kowa. Sawo koowa wals djungeles glan tumaro baro Debleskre jaka.

5. Mose 7:26

Tumer hunte anenn kek sawi figura an tumare khera, te wenn tumer gar lentsa khetne mulo dino. Tchatchepah, dikenn ap lende har ap i djungelo koowa, un denn len paash.

Josua 6:21

Un jon dan lauteren i chareha mulo: i tsele murshen, djuwjen, terne un phure, grumja, bakre un burike.

Josua 6:24

O foro un halauter, hoi an leste his, chatchran le pre. Kokres o rup un o sonakai un ko sasterno koowa tchiwan le pash o brawlepen an o baro Debleskro kheer.

Josua 6:26

Ap ko tsiro das pes o Josua sowel: “Mu dell o baro Dewel bibacht ap ko mursheste, koon kau foro pale pre tchiwell. Te tchiwell lo i telstune barra pre, hunte merell leskro phureder tchawo. Te tchiwell lo i bare wudja dren, merell leskro terneder tchawo.”

Josua 8:28

Un o Josua chatchras o tselo foro Ai jaake tele, te atchan kokres chatchede barra pral hako tsireske. Kolla hi gomme kau diwes jaake tchiddo.