5. Mose 12:9 - O Debleskro Drom 2021 (Sinte)

⁹ Kanna wan gomme gar khere an ko them, hoi tumen tumaro baro Dewel dell, te well les tumaro.

O Debleskro Lab 2024 (Sinte-Manouche)

⁹ Kanna van gomme gar khere an ko them, hoy t'men t'maro baro Devel dell, te vell les t'maro.

5. Mose 12:9 ပူးပေါင်းရင်းမြစ်များ

1. Rajengro liil 8:56

Sharedo well o baro Dewel! Job das peskre menshende i kotar phub, kai mer nai djiwah kek darjah, jaake har job kowa penas. Leskre tsele latche laba rikras job, har job penas menge dran o mui o Mosestar, koles leskro tchatcho wast his.

1. Familjakro liil 23:25

Kolestar penas o David: O baro Dewel, kai o Israeleskro Dewel hi, das peskre menshen i them, kai le khere hi. Un job kamell hako tsiro an o foro Jerusalem te djiwell.

Debleskri gili 95:11

Doleske dom man sowel an miri choli: “Jon te djan gar dren an miro them, kai nai wans le khere!”

Jeremia 31:2

O baro Dewel penell: Kol menshe, kai wan gar maredo o chareha, lenge sikrau latchepen an o mulo tato them; o Israel hi ap o drom khere.

Micha 2:10

Stenn pre, djan tumenge! An kau them nai atchenn tumer gar! Tumer kran les pale-tchiddo. Kate atchell kek bar ap o wawar.

5. Mose 12:8

Ma krenn jaake, har mer kau diwes kate krah, kai hakeno krell, har an leskre jaka mishto hi.

5. Mose 25:19

Ap ko tsiro, kai lan tumer ko them dren, hoi tumaro baro Dewel tumen dell, un tumer buder gar an o kurepen han kolentsa, kai trul tumende djiwenn, palle denn kol tsele Amalekarjen mulo, jaake te atchell tchi lendar pral, hoi sikrell, te his i tsiro, kai djiwan le. Un kowa bistrenn gar!

5. Mose 3:20

Tumer kurepangre, awenn tumare phralenge pash o wast jaake rah bis te lan le ko them dren, hoi o baro Dewel len della ap i wawar rig o panjestar Jordan, un bis te mukell lo len kote te djiwell kek kurepah, jaake har job ninna tumenge kras. Palle nai djan tumer pale an tumaro them, hoi tumende dom.”

5. Mose 4:21

Un dran kowa, hoi tumer kran, was o baro Dewel ninna chojedo ap mande, un das pes sowel, te djap me gar wergel o lengsto pani Jordan, un te wap gar an ko latcho them, hoi dell tumen tumaro baro Dewel, te well les tumenge.

Josua 11:23

Un jaake har o baro Dewel ap o Mose penas, las o Josua o tselo them dren, un das les i Israelende. Hakeneste kol deesh-te-dui Israeleskre tchawendar das lo peskro kotar them, te wenn le kote khere. Un jon hunte djan buder gar an o kurepen.