5. Mose 12:6 - O Debleskro Drom 2021 (Sinte)

⁶ Un kote anenn kol viechen, hoi kamenn leske te marell, sawe, hoi wenn leske tseles chatchedo, un sawe, kolengro rat leske chatchedo well. Kote anenn ninna o deshto kotar kolestar, hoi tumenge dren anan, un ko wawar koowa, hoi glan tchinlo hi, un kowa hoi denna jaake, har tumen sowel dan, ninna kowa, hoi hakeno pestar della, un sawe bakre un gurma, kai i phureder lengre dajendar hi.

O Debleskro Lab 2024 (Sinte-Manouche)

⁶ Oun kote anenn kol firhen, hoy kamenn leske te marell, save, hoy venn leske tseles rhačedo, oun save, kolengro rat leske rhačedo vell. Kote anenn ninna o deshto kotar kolestar, hoy t'menge dren anan, oun ko vavar koova, hoy glan činlo hi, oun kova hoy denna yaake, har t'men sovel dan, ninna kova, hoy hakeno pestar della, oun save bakre oun gourma, kay i phoureder lengre dayendar hi.

5. Mose 12:6 ပူးပေါင်းရင်းမြစ်များ

2. Familjakro liil 31:14

Un jek Levitari, o Kore, koleskro dad o Jimna his, job das jak ap o wudar ap koi rig, kai o kham pre djala, un was kanna dren tchiddo te dell lo garda ap ko koowa, hoi i menshe pendar o baro Debleske dan. Un job hunte das kowa ap i rashajende un i Levitarjen win, hoi lengro kotar hi, ninna kol kotja mass, hoi kokres i rashajenge his.

2. Familjakro liil 7:12

Un o baro Dewel mukas pes o Salomestar an i rati te dikell, un penas leske: Me shunom, har man an-mangal, un rodom kau kheer mange win, te wenn mange kate kowa chatchedo, hoi tumer mange anenn.

Esra 3:2

Un o Jeshua, koleskro dad o Jozadak his, kras pes ap i budi khetne peskre phralentsa, kol rashajentsa, un o mursheha Serubbabel, koleskro dad o Shealtijel his, un leskre phralentsa. Un jon kran i newi sasterni chatchepaskri, te nai chatchrenn le viechen koi pre o Israeleskro Debleske, jaake har tchinlo hi an o liil o Debleskro murshestar, o Mosestar.

Nehemia 10:36

Ninna hako bersh dah o feteder halauterestar, hoi was baro ap mari phub un ap mare ruka, un anah kowa an o baro Debleskro kheer.

Nehemia 10:39

Un jek rashai kol menshendar Aron hunte djal lentsa ap ko tsiro, kai lenn le ko deshto kotar dren. Un i Levitarja hunte anenn o deshto kotar fun lengro deshto kotar an maro Debleskro kheer un tchiwenn kowa an ko kheer, kai sawo koowa pre garedo well.

Debleskri gili 116:17

Pash tute kamau me man te parkrell, un tut an-mangell.

Ezekiel 20:40

Ap miri bari berga an Israel, kai me djiwau, kote mangenn man i tsele Israelitarja an, halauter kai an o them hi. Un me lau len an o latchepen an, un kamau, te anenn le mange kote viechen un djob, jaake har glan tchinlo hi, ninna ko koowa, hoi mange ap i rig tchiwan.

3. Mose 1:3

Te kamell lo leske i grumni te anell, te well li leske tseles chatchedo, palle hunte lell lo i murshkani grumni, hoi gar nasselo hi. Un job anell lat glan o wudar o Debleskro plachteno kherestar, te dikell o baro Dewel latches ap leste.

Maleachi 3:10

Anenn o deshto kotar halauterestar, hoi dren lan, an miro kheer, te well doha chapen an miro kheer. Un dikenn, hoi me palle tumenge krau: Me krau miri wochni an o bolepen pre, un dau tumen bud latcho koowa, budeder har tumen hunte well. Ko penell o baro Dewel, ko rai pral o bolepen un i phub.

Maleachi 3:8

Me putchau tumendar: Hi mishto i menshestar, te tchorell lo o Deblestar har tumer mandar tchorenna? Koi pre penenn tumer: ‘Hoi kram, har tchoram tutar?’ Tumer denn man gar o deshto halauterestar, hoi dren lan, witar gar kowa, hoi hunte dans i rashajende.

Louka 11:42

Tumer Farisarja, hoi tumer krenna, ko hi gar mishto. Tumer denna o Debleske o deshto kotar tumaro tselo senlepastar, hoi an tumari baar hi, un tumer bistrenn o tchatchepen un o Debleskro kamlepen. Kawa hunte krenn, un ko wawar mukenn gar!

Louka 18:12

Dui diwessa an o kurko chau me tchi, te mangap tut an. Un me dau tut o deshto kotar halauterestar, hoi dren lau.

5. Mose 12:17

Kolestar, hoi o baro Debleske hi, ma chan: ko deshto tumaro djobestar, moljatar un djetestar, witar gar kol grumja un bakre, hoi i phureder lengre dajendar hi, witar gar kowa koleske tumen sowel dan, un kowa hoi kamenn tumendar kokres te dell, un ko wawar koowa, hoi glan tchinlo hi.

5. Mose 26:2

palle less tu ko ersto djob, hoi ap tiro phub bares was. Un tu tchiwess les an i korba un aness les pash koi platsa, kai job kamell, te well lo kote an-mangedo.

Josua 22:27

na-a, kau altaro te well i sikepen, hoi sikrell mende un tumende un mare tchawende, kai pal mende wenna, te nai wah mer glan o baro Debleskro kheer, te anas leske djob un viechen, sawe, hoi wenn leske chatchedo un sawe, hoi chah glan leste. Mer kamah gar, te penenn tumare tchawe an ko tsiro, hoi wella, ap mare tchawende: ‘Tumer han gar o baro Debleskre menshe.’

1. Samuel 1:21

O wawar bersh, har djas o Elkana pale pre peskri tseli familjah har hako bersh, te anell lo o baro Debleske i vieches, hoi well leske chatchedo, ninna jekes, te rikrell lo peskri sowel, hoi job das,

1. Samuel 1:24

Un har job phuro doha his, las li les peha, un djas leha pre an o foro Shilo. Un las koi pashel jek triin-bershengro gurum un deesh kilogramme jarro un jek ledertikro gono pherdi mool, un anas kowa pash o baro Debleskro kheer. O tchawo his gomme terno.