5. Mose 12:3 - O Debleskro Drom 2021 (Sinte)

³ Witsrenn kol pre-tchidde barra trujel, kai maran le un chatchran le viechen pengro debleske. Phagenn kol bare barra paash, hoi le leske pre-tchiwan! Un chatchrenn kol kashta, hoi sikrenn i debletsa Ashera. Un denn lengre figuren an kotja! Tchi te atchell lendar pral.

O Debleskro Lab 2024 (Sinte-Manouche)

³ Vitsrenn kol pre-čidde barra trouyel, kay maran le oun rhačran le firhen pengro debleske. Phagenn kol bare barra paash, hoy le leske pre-čivan! Oun rhačrenn kol kashta, hoy sikrenn i debletsa Ashera. Oun denn lengre figuren an kotya! Či te ačell lendar pral.

5. Mose 12:3 ပူးပေါင်းရင်းမြစ်များ

1. Rajengro liil 14:15

Un o baro Dewel dell i menshende Israel dawa, te trissenn le, har trissell i shilftikro khass an o pani. Un o baro Dewel tserdell i Israelitarjen win dran kau latcho them, hoi das job lengre phurende. Un i Israelitarja wenn tradedo ap i wawar rig o panjestar Eufrat. Jon choiran o baro Debles, har kran le penge sawe figure, hoi sikrenn i debletsa Ashera.

1. Rajengro liil 15:13

Un ninna kras lo, te his leskri dai, i Maacha, buder gar i rani. Kowa kras lo doleske, kai mukas li i djungeli figura te krell, hoi i debletsa Ashera sikras. Un o Asa das lakri djungeli figura an kotja un chatchras lat pash o pani Kidron.

2. Rajengro liil 11:18

Palle djan i tsele menshe dran o them Juda an o kheer ko deblestar Baal, un kran kol tsele figure paash, hoi les sikran. Un kol chatchepangre, kai viechen un wawar koowa leske chatchedo wan, phagan le tele. Un glan kol chatchepangre maran le leskro rashajes, o Mattan. Un o rashai Jojada bitchras klisten, te denn le jak ap o baro Debleskro kheer.

2. Rajengro liil 18:4

O Hiskija kras kol mulne platse paash, kai le i mule deblen an-mangan. Job mukas kol bare barra an kotja te phagell, hoi le lenge pre-tchiwan, un mukas koi kashteni debletsa Ashera trujel te dell. Un job das ko sasterno sap paash, hoi mukas o Mose te krell. Glan ko tsiro, kai o Hiskija kowa kras, chatchran i Israelitarja sungepaskro koowa glan ko sap, un dan leste ko lab Nehushtan.

2. Rajengro liil 23:14

Job phagas kol bare barra paash, hoi le pengre deblenge pre-tchiwan, un das kol figure tele, hoi sikran i Ashera. Un kote, kai le tardo his, witsras lo menshengre kokale pre.

2. Familjakro liil 14:2

Job mukas i chatchepangre paash te krell, hoi ap i mulne platse tardo his, un kai viechen i mule deblenge chatchedo wan. Un kol bare barra, hoi le lenge pre-tchiwan, mukas lo an kotja te phagell, un i figure, hoi i Ashera sikrenn, das lo tele.

2. Familjakro liil 14:3

Un job penas i menshenge an o them Juda, te hunte rodenn le o baro Debles, ko Dewel lengre phurendar, un te djan le ap leskro drom un djiwenn pal leskre laba.

2. Familjakro liil 19:3

Tchomone latches was pash tute ninna hatslo: Tu chatchral kol figure an o them, hoi i debletsa Ashera sikrenn, un rodal pal kowa, hoi o baro Dewel kamell.”

2. Familjakro liil 31:1

Un har kowa halauter kerdo his, djan kol tsele Israelitarja, kai kote khetne his, an i forja an o them Juda. Un jon phagan kol bare barra an kotja, hoi i mule deblenge pre-tchiddo his, un dan koi kashteni debletsa Ashera trujel, un kran kol mulne platse un kol chatchepangre paash, kai i mule debla an-mangedo wan, bis te tchi lendar pral atchas. Kowa kran le an o tselo them Juda, Benjamin, Efrajim un Manasse. Palle djan i tsele Israelitarja pale khere an lengre forja, kai lengre khera un lengri phub his.

2. Familjakro liil 34:3

Har lo an o ochtato bersh baro rai his, un gomme i terno mursh his, rodas lo ko Debles, koles leskro phuro dad, o David, an-mangas. Un an o 12. (deesh-te-duito) bersh kras lo pes ap i budi, te witsrell lo dran o them Juda un dran o foro Jerusalem kol chochene deblen un figuren krik. Koi pashel his ninna i figure, hoi i debletsa Ashera sikrenn.

Debleskri gili 16:4

Bud hi i duka kolendar, kai nashenn i wawar debleske palla. Me kamau kol chochene deblenge kek rat win te tchorell. Witar gar kamau lengro lab an miro mui te lell.

2. Mose 23:13

Denn jak un rikrenn ap lauter, hoi me tumenge penom! Ma mangenn wawar deblen an! Lengre laba hunte wenn gar dran tumare muja win!

2. Mose 23:24

Ma mangenn lengre deblen an! Ma anenn viechen, te chatchrenn len lenge! Ma krenn jaake har kolla, kai an ko them djiwenna! Denn lengre tsele deblen paash, un phagenn kol bare barra, hoi jon lenge pre-tchiwan!

2. Mose 34:13

Witsrenn kol pre-tchidde barra trujel, kai marenn un chatchrenn le viechen lengro debleske. Phagenn kol bare barra paash, hoi le leske pre-tchiwan! Un denn kol figuren tele, hoi sikrenn i debletsa Ashera.

Jesaja 27:9

Jaake well o Israelengri doosh krik lino. Un ap kowa sikrell pes, te hi lengri doosh krik lino: Te denn le i pre-tchidde barra jaake khetne, kai mangan le i wawar deblen an, te atchell tchi har tchik. Un te mukenn le kek figure tardo, hoi sikrenn i debletsa Ashera, witar kek boba, kai lake sungepaskro koowa chatchedo was.

Jeremia 17:2

Ninna lengre tchawe witsrenn pen tele glan kol chatchepangren un glan kol figuren, hoi sikrenn i debletsa Ashera, un hoi le pre tchiwan tel kol senele ruka, un ap i tikne un bare berge un ap o them. Me dau tumaro tselo brawlepen un kutch koowa wawarende, te tchorenn le kowa tumendar. Koja hi koi phagi ko tchilatchepaske, hoi tumer an kau tselo them kran.

Hosea 2:17

Kote dau late pale lakro drakengro them, un koi tala Achor well lake har i baro wudar, pal koleste lake o kham pre djal. Un kote nashell li pale kamles pal mande, har an ko tsiro, kai li terno his, har an ko tsiro, kai li dran o them Egiptia djas.

Micha 5:14

Un me dau an miri choli dren an i tsele themma ap kai phub, kai shunan gar ap mande.

Zakarie 13:2

O baro Dewel, ko rai pral o bolepen un i phub, penell: An ko tsiro krau, te mangenn i menshe an o them Juda buder kek chochene deblen an. Un kolengre laba wenn bistedo. Ninna kol rakepangre, kai penenn, te hi le Debleskre rakepangre un hi kowa gar, un jon rakrenn, hoi i wawar ducho lenge penell, kolen tradau win dran o them.

4. Mose 33:52

hunte tradenn kol tsele menshen, kai djiwenn kote, glan tumende krik. Un lengre tsele barrengre un sasterne deblen, hoi kran jon penge, krenn paash, ninna kol pre-tchidde barra.

5. Mose 12:4

Ma mangenn tumaro baro Debles jaake an, har kol wawar menshe lengre deblen an-mangenn.

5. Mose 7:25

Chatchrenn i figure lengre deblendar! Ko rup un ko sonakai, hoi ap lende hi, lenn gar tele tumenge, te wenn tumare djia gar pandles ap kowa. Sawo koowa wals djungeles glan tumaro baro Debleskre jaka.

5. Mose 7:5

Doleske krenn kawa lentsa: Witsrenn kol pre-tchidde barra trujel, kai marenn le un chatchrenn le viechen lengro debleske. Phagenn kol bare barra paash, hoi le leske pre-tchiwan! Un denn kol kashta tele, hoi sikrenn i debletsa Ashera. Un chatchrenn lengre figuren pre.

Debleskro tsiro 13:1

Un me dikom dran o baro pani i vieches pre te well. Koles his deesh shinga un efta shere. Un ap haki shing hidjras lo i shereskro sonakai. Un ap leskre shere his sawe laba tchinlo, hoi praassenn o Debles.

Čačepangre 2:2

Un tumendar kamom, te wenn kek mala kol menshenge, kai an kau them djiwenn, un te phagenn tumer lengre pre-tchidde barra tele, kai chatchrenn le viechen lengro debleste. Un hoi kran tumer? Tumer shunan gar ap kowa, hoi penom!