5. Mose 12:29 - O Debleskro Drom 2021 (Sinte)

²⁹ Tumaro baro Dewel tradell i wawar menshen glan tumende win dran o them, kai tumer wenna. Un tumer lenn lengro them tumenge dren un djiwenn kote.

O Debleskro Lab 2024 (Sinte-Manouche)

²⁹ T'maro baro Devel tradell i vavar menshen glan t'mende vin dran o them, kay t'mer venna. Oun t'mer lenn lengro them t'menge dren oun djivenn kote.

5. Mose 12:29 ပူးပေါင်းရင်းမြစ်များ

2. Familjakro liil 33:2

Un job kras, hoi his tchilatcho glan o baro Debleskre jaka: ko emligo djungelo koowa, har kol wawar menshe kran, kolen o baro Dewel glan o Israel win tradas dran o them.

Debleskri gili 78:55

Job tradas i tsele wawar menshen glan lende win, un das lengro them peskre menshende, hakeneste kol deesh-te-dui bare familjendar das lo lengro kotar, te well ko them lengro. An i plachtene khera kol wawar menshendar mukas lo i Israelitarjen te djiwell.

2. Mose 23:23

Awa, miro bolepaskro djal glan tute un anell tut an o them, kai djiwenna i Amorarja, i Hetarja, i Perisarja, i Kanaanitarja, i Hiwarja un i Jebusarja. Un me dau len temerl.

5. Mose 12:30

Ap ko tsiro, kai jon buder gar koi hi, denn tumen jak, te mukenn tumen gar ap lengre dromma te anell! Ma putchenn: ‘Har mangan kolla pengre deblen an? Jaake kamah mer les ninna te krell.’

5. Mose 19:1

Ap ko tsiro, kai tradas tumaro baro Dewel kol wawar menshen win dran ko them, hoi lo tumende dell, un tumer lan ko them dren, un djiwenn an lengre forja un an lengre khera, palle hunte rodenn tumenge triin forja win, kai nai djan kolla dren, kai naashepangre hi.

5. Mose 9:3

Doleske djinenn kau diwes, te djal tumaro baro Dewel glan tumende har i jag, hoi halauter pre chatchrell. Job dell len, te hunte nashenn le penge tumendar. Un tumer tradenn len win un denn len sik mulo. Jaake penas o baro Dewel kowa tumenge.

Josua 21:43

Un jaake das o baro Dewel i Israelende o tselo them, har das lo pes glan lengre phurende sowel, te krell lo kowa. Un jon lan o them penge dren un djiwan koi.

Josua 23:4

Dikenn, me dom tumen ko tselo them mank o pani Jordan un ko Baro Pani, hoi kote tchiddo hi, kai o kham tele djal. Jaake har i barra peran, dom tumare deesh-te-dui bare familjen lengro kotar them, ninna ko them, kolengre menshe gomme gar win tradedo hi.